پښتو ژبې تاریخ ته لنډه کتنه

لكه څرنګه چې پښتانه ډېر پخوانى او زوړ تاريخ لري نو ددوي ژبه هم ډير زوړ تاريخ لري ، لنډه داچې پښتو ژبه له سانسګريد او اوستا ژبو سره خورولي لري اوس هغه ژبي له منځه تللي او يواځې همدا پښتو ژبه تر اوسه پاتې ده .

دنړۍ پوهانو همدا پورتنۍ خبره ثابته كړيده ،چې پښتو هغه ژبه ده چې (۲۸۰۰) كلن تاريخ لري ځكه چې په پښتو ژبه كې ډېر لغاتونه شته چې هغه په سانسيګريد او اوستا ژبو كې هم موجود دي لكه دا لغاتو نه :(ځمكه، سپين، انګار ،اوداسي نور)

(ځمكي ) ته په سانسيګريدژبه كې (جماكا) او (سپين) ته (سپن) او (انګار) ته (انګارا) وايې ، نوله دې كبله دنړۍ ټولو پوهانو لكه :ډارمسټټر ، مسټر ډاروين ، توركیني او داسې نورو اروپايي ، يوناني ،روسي اودخپل هيواد پوهانو وروسته دلغاتو له مقايسې څخه دا منلې ده چې پښتو ژبه له سانسيګريد او اوستا ژبو سره چې د آريايانو ژبي شميرل كيدي په يو قطار كې وه او د اريايانو د (پښت قبیلې) ژبه وه . په مرور دزمان ددغي ژبي لهجه همدا اوسنۍ پښتو ته رارسېدلې ده .

په ۱۳۴۳ هجري كال په اساسی قانون كې پښتو ژبه د هيواد ملي او رسمي ژبې په نامه وپېژندل شوي. له همدې كال راپه دېخوا پښتو ژبه ورو ورو د ودې او پرمختك په لوري روانه شوه، پښتو ټولنه جوړه شوه،پښتو پوهانو پښتو ليكنې پيل كړې،ګڼ شمېر كتابونه او ورځپاڼې چاپ ته ورسول شوې، په ښوونځيو كې يې درس پيل شواو اكاډميك ارزښتونه ورپه برخه شو، اوس فعلا د هیواد لومړۍ رسمي ژبه پښتو او دویمه رسمي ژبه دري ده.

پښتو د نړۍ له هغه پنځوس ژبو څخه یوه ژبه ده چې ادبیات یې ډیرقوي او بډای دي،او بل داچې پښتو د صوبه سند له غاړو څخه نيولې تر دآمو سنده پورې خواره واره پراته (۵۰۰۰۰۰۰۰) پنځوس ميلونو څخه زیات پښتانه پرې خبرې كوي.

کندز/افغانستان 21-02-2021