طالب صاحب ځان نه جامع الکمالات مه جوړوه

طالب صاحب ځان نه جامع الکمالات مه جوړوه

سهاروختي می خپل موبایل خلاص کړ یو ورور راته لیکلی وو ! ګل صاحب خدای پوه شه چې دا وړۍ شړې شي.

ما غوښتل په لنډه کې ورته ولیکم چی ان شاءالله وړی به شړۍ شي؛ خو تراوسه موږ په ډانډس کې بند وو جملې رانه سر واخیست داسې مي ورته ولیکل :موږ نه یواځې دا چې بد جولایان نه یو بلکی بد ندافان هم نه یو شړۍ جوړیدل حوصیله غواړي.

همدا زما د جملې اخري برخه(حوصیله غواړي) پر ځای می باید لیکلی وای:شړۍ جوړیدو ته اوزګار شوي نه یو ځکه حوصیله خو د اللهﷻ په فضل لرو.

(یو په بل پسې ډانډس)،انګلیس مو ډانډس کړ . دمه مو لا نه وه جوړه چی روسان مو ډانډس کړل او له روسانو سره متصل مو ناټواو امریکایان ډانډس کړل.

له دې دا معلومه ده چې موږ(افغانان)بهترین ندافان یو خو بهترین جولایان هم لرو شړۍ خو پر ځای پریږده بهترین ابریشمي ټوکران موهم اوبدلی د نن نه ١٥٠ کاله پخوا د امیر عبدالرحمن خان په وخت کې یواځې د اردو په فابریکه کی ٥٠٠ قلمه توکی تولیدیدل د نظامی برخې هیڅ توکي مو له بل ځایه نه دي راوړي همدا په تازه ګۍ کې د شهید داود خان په لنډه دوره کې د غنمو او حبوباتو له اړخه خود کفا شوي وو.

اوس هم هر څه ممکن دی خو که طالب صیب جولایان په کار واچوی دوی دی لکه د سردارانو په شان کینی اللهﷻ د بیا  ډانډس ته اړتیا نه پیښوی که پیښه شوه دوی به تیاره دمه ورته وهلی وی طالب صاحب دی ځان نه جامع الکمالات نه جوړوی ولس منلی چی دوی بهترین ارکان حر بان دی ځکه نابراره جنګ یی ګټلی،بهترین قاضیان دی ځکه دا شل کاله ولس د عدالت لپاره همدوی ته مراجعه کوله او همدا رنګه بهترین دیپلوماتان دی ځکه په خبرو کی د نړی د زبده دیپلوماتانو نه دوی ښه ثابت شوه.

خو د زراعت،پل او پلچک د برخې انجینران نه دي د ملت هیله دا ده چې طالب ورونه هر څومره ژر چی کیدای شي د کار ویش رامنځته کړي د پښ کار پښ ته،د نداف کار نداف ته،د ترکاڼ کار ترکاڼ ته او د جولا کار جولا ته وسپاري.