د خپل وخت او زمان ارزښت وپېژنئ

د خپل وخت او زمان ارزښت وپېژنئ!

یوه تر ټولو ستره پښېماني، چې خلک تل ورسره لاس او ګرېوان دي، دا ده، چې خپل ډېر وخت یې ضایع کړی دی. وخت زموږ ستره او ډېره ګرانبیه پانګه ده؛ خو له بده مرغه هغه مهال خپل دې ارزښت ته متوجې کېږو، چې کله وینو له هغه وخت څخه مو، چې زموږ په واک کې وو، په ښه ممکنه توګه ګټه نه ده پورته کړې. هره ورځ یې دریاده کړئ، چې د ژوند هره ثانیه مو یوه ډالۍ او تحفه ده. په داسې لارو چارو یې ولګوئ، چې ستاسو د پرمختګ لامل شي، نه په داسې لارو، چې تاسو ته اجازه درکوي یوازې پکې بوخت شئ او ضایع یې کړئ.

خپل وخت په هوښیارۍ مصرف کړئ!
وخت تر ټولو ارزښتناک شی دی، چې په دې نړۍ کې یې لرئ؛ نو وخت سره په همدې ډول په باارزښته توګه چلند وکړئ. وزګارو وختونو کې د تعادل رامنځته کول د واقعي خوښ اوسېدو لپاره یوه تر ټولو مهمه لاره ده. د “د مړینې پر مهال پینځه اصلي پښېمانۍ” کتاب له مخي دا تر ټولو ډېر دود شوي حسرتونه (افسوس) دي، چې خلک یې د مړینې پر مهال کوي:
-کاشکې مې دا جرات درلودای، چې خپل ځان لپاره مې په ریښتینې توګه او څه ډول مې چې غوښتل ژوند کړای وای نه دا چې نورو یې له ما تمه درلوده؛
-کاشکې مې دومره سخت کار نه وای کړی، کاشکې، چې د خپلو احساساتو د بیانولو جرات مې درلودای
-کاشکې د خپلې کورنۍ او دوستانو سره ډېر زیات په اړیکه کې وای؛
-کاشکې مې خپل ځان ته دا اجازه ورکولای چې تر ټولو خوښ او خوشحاله واوسم
د دې متن پیغام دلته روښانه دی: خپل وخت او انرژي پر هغو شیانو متمرکز کړئ، چې ستاسو او هغو کسانو، چې درته ګران دي، د ژوند په ښه والي کې مرسته کوي.