د کهر او متقي لیدنه؛ د کابل او اسلام‌اباد ترمنځ پر همکاریو ټينګار شوی

349

د بهرنیو چارو کې د پاکستان د دولت وزیرې حنا رباني کهر چې نن د یوه پلاوي په مشري کابل ته راغلې، د بهرنیو چارو له سرپرست امیرخان متقي سره په لیدنه کې د کابل او اسلام‌اباد ترمنځ پر همکاریو ټينګار کړی دی.

د بهرنیو چارو وزارت د ویاند مرستیال ضیااحمد تکل نن سه‌شنبه د لیندۍ اتمه پر خپله ټوېټرپاڼه لیکلي چې متقي له پاکستاني پلاوي سره په لیدنه کې د دواړو ګاونډیو هېوادونو اړیکې د یادو هېوادونو د اوسېدونکو او د سیمې لپاره ګټورې بللې دي.

د بهرنیو چارو وزارت د ویاند مرستیال ویلي چې د یاد وزارت سرپرست پاکستاني پلاوي سره دغه هېواد کې د افغان بندیانو د ازادېدو، د مسافرو لپاره د اسانتیاوې برابرولو او همداراز د سوداګرۍ او ټرانزیټ په اړه خبرې کړې دي.

ضیااحمد تکل زیاته کړې چې امیرخان متقي د ټاپي، ټاپ، رېل پټلۍ او نورو پروژې د چارو پیلېدو په اړه چمتووالی ښودلی دی.

بل‌خوا پاکستاني پلاوي هم ټينګار کړی چې د سوداګرۍ پیاوړتیا او ټرانزیټ په برخه کې به افغانستان سره لازمه همکاري وشي.

حنا رباني کهر ویلي، افغانستان او پاکستاني دوه ګاونډي هېوادونه دي چې فرهنګي نږدې‌والی لري او د دواړو هېوادونو حکومتونه باید له یوه بل سره همکاري وکړي او خپلې ګټې خوندي کړي.

د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه

د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :

Support Dawat Media Center

If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320

Comments are closed.