د ملګرو ملتونو د کډوالۍ عالي کمېشنري یا UNHCR او د کډوالۍ نړېوال سازمان IOM په یوه ګډه اعلامیه کې له پاکستان غوښتي، په اجباري ډول د افغان کډوالو د اېستلو پریکړه دې بېرته واخلي.
اعلامیه کې راغلي: «د ملګرو ملتونو د کډوالو اداره ای او ام له پاکستانه غواړي چې د ټولو هغو زیانمنو افغانانو ساتنې ته دوام ورکړي، چې په هېواد کې د خوندېتوب په لټه کې دي او که چېرې په زور وشړل شي، ښايي له خطر سره مخامخ شي.»
د پاکستان لنډمهاله حکومت تازه هغو افغان کډوالو ته له هېواده د وتو یو میاشتنۍ ضرب الاجل ټاکلی چې هلته د اوسېدو قانوني اسناد نه لري.
دغه ګډه ویناپاڼه زیاتوي چې افغانستان اوسمهال د بشري حقونو د ګڼو ګواښونو په ځانګړې توګه د ښځونو او نجونو بشري حقونو د ننګونو ترڅنګ له ځینو جدي بشري بحرانونو څخه تېریږي.
د کډوالۍ نړېوال بنسټونه وايي، دا پریکړه به د هغو افغانانو ژوند په جدي له ګواښ سره مخ کړي چې هېواد پرېښودو ته اړ شوي او هېواد ته په ستنېدو د لا ډېرو ګواښونو سره مخامخیږي.
د کډوالۍ نړېوال سازمان او د ملګرو ملتونو د کډوالو ادارې پاکستان ته ډاډ ورکړی چې د بې اسنادو افغان وګړو د نوملېکنې او مدیریت لپاره د یو ټولیز او دوامداره میکانیزم جوړولو کې ددغه هېواد ملاتړ وکړي.
د کډوالۍ دغه دواړه نړېوال بنسټونه ټینګار کوي چې هېواد بېرته ستنېدل باید په «خپله خوښه، خوندې او باعزته» وي.
له پاکستانه د ټولو ناقانونه کډوالو په اړه د لنډمهالي حکومت پرېکړه ته په ملي او نړېواله کچه د غبرګونونو د دوام سربیره هم دغه هېواد له خپلې پریکړې دفاع کړې.
د پاکستان د بهرنیو چارو وزارت ویلي، د ناقانونه کډوالو پرېکړه یې یواځې افغانانو لپاره نه بلکې ټول هغه وګړو لپاره ده چې پاکستان له قانوني اسنادو پرته اوسیږي.
*************************************
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.