د ولسمشر غني او طالبانو له خوا اعلام شوی اوربند دومره لنډ دی چې هغه د چا خبره تر پیل له مخه به پای ته رسېږي مګر د سولې د یوې محسوسې علامې له نظره ستر اهمیت لرلای شي.
د اوربند له اعلامه دا نتیجه اخیستلای شو چې د جګړې دواړه غاړې جنګ حل لاره نه ګڼي او د سولې لپاره د تفاهم په فکر کې دي.
خو له بلې خوا جنګ خپل پلویان هم لري. هغوی چې د هیروینو په قاچاق بوخت دي او د جنګ دوام ورته د جرمي اقتصاد د جاري ساتلو امکان برابر کړی دی، ولې سوله وغواړي؟ هغوی چې د جنګ د ادامې په نتیجه کې د حکومت د کمزوري له برکته د ګمرګ په غلا بوخت دي، د کانونو په تالا بوخت دي او په زرګونو جریبه دولتي زمکه یې غصب کړې ده، د جنګ له ختمېدو ولې په تشویش کې نه وي؟ ایران چې د امریکا له فشارونو سره مخ دی، په امریکا باندې د متقابل فشار د اچولو لپاره ولې په فراه کې جنګ ونه غواړي؟ پاکستان چې د تروریزم په خلاف جګړه کې هر کال په سلګونو او میلیاردونو ډالر جیب ته اچولي دي، د افغانستان سولې ته ولې زړه ښه کړي؟
جنګ خپل دوستان او سوله خپل دښمنان لري او همدا علت دی چې اوربند مدیریت غواړي او د دواړو غاړو هوښیاري او متانت غواړي.
د اوربند د خرابولو ډیره اسانه لاره دا ده چې په دغو ورځو کې له نامعلومو لوریو خونړۍ حملې وشي او د اعتبار پیدا کېدو ته امید په سین لاهو شي.
په فکري او تبلیغاتي لحاظ د سولې د پروسې او د اوربند د بې اهمیته کولو طریقه دا ده چې شکونه بیان شي او پیغورونه پیل شي. پرون مې په یوه تلویزیون کې د یو چا خبرې اورېدې چې په ظاهره د جنګ مخالف و خو په خبرو کې یې په دې ټکي زور اچاوه چې طالبان نور د جنګ ګټلو ته تمه نه لري او د خټو پوزه غواړي نو ځکه یې اوربند ته غاړه کیښوده.
د اوربند د اعلام په نتیجه کې سولې ته پیدا شوی امید په مختلفو طریقو تخریب کیدای شي چې پکار ده دواړه غاړې تدبیر هیر نه کړي او د بې ځایه احساساتو تر اثر لاندې رانه شي.
حقیقت دا دی چې په افغانستان کې اصلي کامیابي صرف د هغو کسانو او هغو ډلو په نصیب ده چې د دې خونړۍ او وحشیانه افغانستان ضد او مسلمان ضد جګړې د ختمولو لپاره لاس په کار شي. د جګړې فتحه په حقیقت کې فتحه نه ده. اصلي فتحه دا ده چې له مقابل لوري سره تفاهم حاصل شي او د افغانستان اصلي مالکان یعنې د افغانستان خلک د ژوند کولو فرصت ومومي.
د جګړې لوري باید په دې پوه وي چې سوله تر جګړې ډیر تدبیر او ډیره قرباني غواړي. دا اسانه ده چې هغه څوک دې وغندي چې دښمن یې ګڼې خو دا سخته ده چې خپل دوستان دې وغندي. د سولې په لاره کې دا خطر ډیر دی چې نژدې دوستان ګیله من شي او ان بې همته ورته ښکاره شې خو اصلي همت او اصلي شهامت دا نه دی چې وینې وبهول شي بلکې دا دی چې د اوښکو د وچولو غم وکړو.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
