ژباړه : روح الله سروان –
هڅه وکړئ دا سوالونه د هرې ورځې په پای کې له ځانه وپوښتئ. دا کار له تاسو سره مرسته کوي چې يو بريالی او غوره شخص اوسئ.
۱ـ نن هغه ښه څه و، چې ماته پېښ شول؟
څه شی و چې تاسو د ویاړ، خوښۍ یا ستاینې احساس وکړ؟ ایا تاسو نن حتا د یوې شېبې لپاره هم خوند واخیست د برياليتوب احساس مو وکړ؟
د هماغې شېبې د بيا تکرار لپاره په ځان کې هماغه احساس تازه کړئ. فکر وکړئ چې داسې د خوښيو شېبو ته ډېره اړتيا لرو، نو دې لپاره اړينه ده چې په مثبتو شيانو فکر وکړو. ډېری وختونه ښو پېښو ته په کمه سترګه ګورو چې نه باید داسې وکړو، بايد له هغو شېبو خوند واخلو او په قدر يې پوه شو. دا سوال تاسو سره مرسته کوي چې مثبت او منندوی اوسئ.
۲ـ کوم کار مې کولای شو په لا ښه توګه ترسره کړی وای؟
د نن ورځې له تجربو به څه درس واخلئ؟
کومه تېروتنه مو وکړه چې په راتلونکي کې يې بايد مخه ونيول شي؟ څنګه مو کولای شوای چې خبرې مو په ښه توګه کړې وای؟ په لارو چارو يې فکر وکړئ چې په راتلونکي کې مو دا ستونزه حل شي.
۳ـ تر ټولو اړین کار چې سبا يې باید ترسره کړم، څه دی؟
هغه کوم کار دی چې په يوازې توګه ډېر اهمیت لري او ترسره کول يې زما په دغه ورځ کې ډېر بدلون راولي؟ که هرې ورځې ته برنامه لرئ نو ترسره کولو ته يې هرومرو تاسو ځان سره ليکلي او ښايي د ټولو په سر کې موقعيت ولري. په دې فکر وکړئ چې د ورځې په پيل کې څنګه دغه کار ترسره کړئ. دا پوښتنه تاسو سره مرسته کوي چې پر خپلو ورځني مهم کارونو متمرکز شئ.
۴ـ کوم نوی کار کولای شم سباته وازمويم؟
ژوند د سپړنې سفر دی. د ژوند په هر پړاو کې چې ياستو، بايد يو نوی شی وازمويو. سباته کوم نوی کار کولی شو؟
۵ـ زما ژوند کې چې تر ټولو مهم کس دی هغه څوک دی او ما لپاره يې څه کار ترسره کړی؟
هر هغه څوک چې تاسو ورسره مينه لرئ، مېرمن مو، اولادونه مو، مور او پلار مو او يا هرڅوک چې وي فکر وکړئ. ایا تر اوسه مو هغوی ته ښودلې يا ویلي چې تاسو ته څومره ارزښت لري؟ سبا یا بله ورځ په نا خبره توګه تاسو هغوی لپاره څه کار کولی شئ چې هغوی سره مرسته وکړئ؟ موږ ډېر وخت دومره مصروفه کېږو چې خپلوان او عزيزان هېروو. دا پوښتنه کولی شي بيا ځلي هغوی ته پام وکړئ.
همدا پنځه پوښتنې کولای شي تاسو سره مرسته وکړي تر څو ژوند مو بهتر شي. هڅه وکړئ هره شپه مخکې له ويده کېدو دا پوښتنې له ځانه وکړئ.
سرچينه: mardoman.bet
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
