د تاریخي ځایونو تاریخي دښمنان

طالبان د تاریخي ځایونو دښمنان دي او دا یې د خپلې واکمنۍ پر مهال او له هغې وروسته په ډاګه کړې ده.

د دوشنبې سهار یې غزني کې د اسلامي ثقافت په مرکز کې موټر بم برید وکړ چې د دې مرکز زیاتو ودانیو ته یې زیان رسولی دی.

طالبان دا موټر بم بل ځای هم کولی شو، خو دا چې موټر بم کې چاودیدونکي توکي زیات و او زیات ویجاړی یې کو، نو ځکه یې د اسلامي ثقافت مرکز کې ورته چاودنه ورکړه.

په ښکاره دا برید د امنیتي ځواکونو یو مرکز باندې شوی چې ۹ شهیدان او ۲۰ ټپيان لري، خو د برید هدف دا و چې څنګه تاریخي ودانۍ او ابدات له منځه یوسي.

پاکستان چې نه تاریخ لري او تاریخي ابدات لري، هیڅکله یې دا نه لوریږي چې افغانستان دې د تاریخ اوږدې مخینې نښې ولري.

له همدې کبله هڅه کوي هغه ابدات له منځه یوسي چې د افغانستان د راتلونکي لپاره ډير خلک جذبولی شي او په تاریخي او فرهنګي لحاظ افغانانو ته ډيره ګته رسولی شي.

پاکستان خپلو طالب ملیشو ته هر هغه لارښوونه چې وکړي، عملې کوي یې، طالبان د پاکتسان ملیشې دي او تر څو چې دا ملیشې فعالیت لري، افغانان به قربانی ورکوي او افغانستان به له پرمختګ راګرځیږي او جوړ ځایونه به ورانیږي.

تاسو به لیدلي و، یا به مو اوریدلي وي، یو ښکاره مثال یې د بودا مجسمو ورانول چې پنځه زره کلن تاریخ لري.

طالبانو د نصیر الله بابر په لارښوونه د بودا مجسمو ته د خپلې واکمنۍ پر مهال توپونه ودرول او ویجاړې یې کړې.

بابر د پاکستان د استخباراتو هغه کس و چې په ښکاره یې د طالبانو د ملاتړ او فعالیت باندې اعتراف کړی و چې افغانستان کې یې د خپلو ګټو لپاره طالبان راپورته کړل.

دا مجسمې له نیکه مرغه د کرزي د حکومت په لومړي کال بیرته پخواني وضعیت باندې ورغیدې او د طالب مخ تور شو.

که د طالب نن بیا توان بر شو، بیا د بودا مجسمې همداسې جوړې نه پریږدي، ځکه طالب پردۍ مزدور دی او مزدور ته چې خان هر څه ووایي، همغه کار کوي.

طالبان یواځې د جګړې فشار راولي، مخامخ جګړه نه شي کولی، له چاودیدونکو توکو موټر ډک کړي او یو ځای چاودنه ورکړي، خامخا پکې د ملکي وګړو تر څنګ افغان امنیتي او دفاعي ځواکونو ته هم مرګ ژوبله اړوي.

خو طالبان بیا ملکي وګړي هم په امنیتي ځواکونو کې حسابوي او دا ویاړ ګڼي چې یو له ګڼې ګوڼې ډکه سیمه کې یې چاودنه کړې او مرګ ژوبله یې اړولې ده.

طالب لکه تراوسه چې مخ توری دی، همداسې به مخ توری وي، داسې ورځ راتلونکي ده چې لکه د نورو جنایتکارانو به طالبان هم خپل ولس ته مخ نه لري.