امریکا خبرداری ورکړی چې په نړۍ کې د کرونا وبا د خپریدو له کبله رامنځ ته شوې بې ثباتي د انسانانو د قاچاق د ډیریدو سبب ګرځي. امریکا د افغانستان په ګډون یو شمیر هیوادونه د انساني قاچاق په خپل تور لیست کې شامل کړي.
د پنجشنبې په ورځ (د ۲۰۲۰م کال د جون میاشتې ۲۵مه نیټه) امریکا متحده ایالاتو خبرداری ورکړ چې په ټوله نړۍ کې د کرونا وبا له کبله رامنځ ته شوې بې ثباتي به د انساني قاچاق د لا ډیریدو سبب وګرځي. په ورته وخت کې واشنګټن د افغانستان په ګډون الجیریا، لیسوتو او نیکاراګوا هیوادونه د انساني قاچاق په خپل کلني تور لیست کې شامل کړي دي.
د امریکا د متحده ایالاتو د بهرنیو چارو وزیر مایک پمپیو، د انساني قاچاق په هکله د جوړ شوي رپوټ د معرفي پرمهال وویل: «په داسې حال کې چې د انساني قاچاق پر وړاندې د مبارزي په برخه کې تل عاجل اقدامات شوي دي، خو اوس د کووید-۱۹ د وبا له کبله رامنځ ته شوی پیچلی وضعیت له دې پدیدې سره د مبارزې په برخه کې د ټولو ښکیلو اړخونو د ګډ کار ارزښت ډیروي.»
پمپیو په خپلو خبرو کې همدا راز وویل چې د کرونا وبا له کبله رامنځ ته شوې بې ثباتي او اساسي خدماتو ته نه لاس رسی په دې معنی دي چې لا ډیر خلک به د انساني قاچاقبرانو فریب وخوري.
د امریکا متحده ایالاتو د انساني قاچاق په تور لیست کې شامل هیوادونه، د واشنګټن په اند له انساني قاچاق سره د مبارزې په برخه کې ډیرې هڅې نه کوي. په دغه راز تور لیست کې د هیوادونو شمولیت آن د دې سبب هم ګرځي چې متحده ایالات پر دغو هیوادونو باندې بندیزونه وضع کړي. امریکا متحده ایالات کولی شي چې د نړیوالو سازمانانو له لارې پر دغو هیوادونو باندې خپلې مرستې محدودې کړي او یا یې په بشپړه توګه قطع کړي. په دغه راز نړیوالو سازمانونو کې د پیسو نړیوال صندوق هم شامل دی.
تر دې مخکې هم د انساني قاچاق سره د نه مبارزې له کبله امریکا ۱۵ نور هیوادونه په خپل تور لیست کې ورزیات کړي وو. متحده ایالاتو د چین، ایران، شمالي کوریا، روسیې، سوریې او ونیزویلا په ګډون یو شمیر نور هیوادونه له وړاندې نه په خپل تور لیست کې لري. په ورته وخت کې د امریکا متحد، سعودي عربستان بیا له دې لیست څخه لیرې کړل شوی دی.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
