د کرونا بحران په ترڅ کې د افغانستان کوچيان له لوږې او له بېلابېلو نورو ګواښونو او ننګونو سره مخامخ شوي دي. دغه خبره د کرنيزې پرمختيا نړيوال صندوق کړې ده.
«ناروغه کېدل يا لوږه ګالل» دغه انتخاب د کرنيزې پرمختيا د نړيوال صندوق (IFAD) په حواله د افغانستان د کوچيانو يا پوونده ګانو ژوند تريخ کړی دی. کوچيان د څارويو د ساتنې (مالدارۍ) له لارې خپل ژوند تامينوي. «د ټولبنديز له کبله د مارکټونو او پلورنځيو تړلو د کوچيانو کتله سخته ځپلې ده»، دغه خبره د شنبې په ورځ د يوه خپاره شوي رپوټ په حواله کاندرا سامکتو کړې ده چې د IFAD يوه مديره ده. د کرونا د کړکېچ په پايله کې د خوراکي موادو د بيو لوړېدلو هم پر کوچيانو باندې فشار ډېر کړی چې له کبله يې اړ شوي چې خپله شتمني وپلوري. خو سامتکو خبرداری ورکوي چې «دغسې بېړنې پلور د هغوی وړتيا راټيټوي چې وضعيت يې بېرته ښه شي کله چې دغه وبا تېره شوې وي.»
کوچيان په تر ټولو بې وزلو افغانانو کې شمېرل کيږي
کوچيان يا پوونده ګان په تېره د افغانستان په شمالي ولايتونو کې په لېرې پرتو سيمو کې خپل کوچيانی ژوند تېروي. هلته د کرونا ويروس په هکله پوهاوي ته هم ډېر لږ لاسرسی لري. د ډېرو پېړيو راهيسې کوچيان چې اکثريت يې په پښتنو پورې اړه لري، خپل دوديز د ژوند طرز مخ ته وړي. وسله والو شخړو او وچکاليو البته د ژوند دغه ډول له ګواښ سره مخامخ کړی دی. په افغانستان کې تقريبا پنځه ميليونه کوچيان ژوند کوي. دغه خبره حبيب الرحمان کوي چې په پارلمان کې د کوچيانو استازی دی. د افغانستان د اساسي قانون له مخې په پارلمان کې کوچيانو ته لس څوکۍ ځانګړې شوې دي. خو د ملګرو ملتونو د راپورونو په حواله کوچيان په هغو ډلو کې شمېرل کيږي چې په افغانستان کې تر ټولو غريب، بې وزله او څنډې يا حاشيې ته ګوښه کړل شوي بلل کيږي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
