د نوي زيلاند د پولیسو په يونيفورم کې حجاب هم ورزيات شو. له دغه اقدام څخه موخه د پولیسو په اداره کې د کار کولو له پاره د مسلمانو ښځو هڅول ښودل شوي دي.
د نوي زيلاند پولیس وايي، د دوی په اداره کې پر حجاب باندې د عمل کولو موضوع په ۲۰۱۸م کال کې معرفي شوې وه. په وینا يې له دغه اقدام څخه موخه د دغه هيواد د پولیسو په اداره کې کار کولو ته د مسلمانانو په ګډون د مختلفو مذهبي لږکيو د ښځو هڅول دي.
په نوي زيلاند کې د ښځو پوليسو حجاب، د ليسې له دورې څخه مسلمانو زده کونکو ته معرفي شوی دی. په همدې تړاو، ميرمن زینا علي ته په لومړني اصلاحاتي پروګرام کې بلنه ورکړل شوه تر څو هغه د پولیسو له خولۍ سره حجاب لرونکی يونیفورم سره راښکاره شي.
په نوي زيلاند کي د يوې پوليسي تور پوړنی پر سر دی
ميرمن زينا علي د دغه يونيفورم د ډيزاينولو په جریان کې د پولیسو په اداره کې کار کولو ته وهڅول شوه چې د هغې له خوا ومنل شوه. هغې ته د پولیسي مسلکي زدکړو (ټرينينګ) پر وخت حلاله ډوډۍ او دغه راز د لمانځه ادا کولو له پاره جلا کوټه په نظر کې نيول شوې وه. د هغې په خبره د زده کړو پر مهال ورته د داسې جامو چې ټول ځان په کې پټ وي، د اغوستلو اجازه هم ورکړل شوې وه.
زينا د آرام سمندر په فيجي هيواد کې دنيا ته راغلې ده چې په ماشومتوب کې له خپل والدين سره نوي زيلاند ته کډه شوې ده. نوموړې د نوي زيلاند له مشهورې ورځپاڼې «هيرالد» سره په يوه مرکه کې وويل کله يې چې په کرايست چرچ ښار پر مسجدونو د وسله والو حملو پر مهال د پولیسو اقدامات وليدل نو سخته يې تر اغيز لاندې راغله. هغه وايي دې سره يې پریکړه وکړه چې د پوليسو په اداره کې کار وکړي.
د نوي زيلاند يوې پوليسي تور پوړنی پر سر کړی
هغې دا هم ويلي دي چې د دندې پر مهال، هغه د مذهبي اصولو په تړاو له هيڅ ډول محدوديت سره نه ده مخ شوې. ميرمن علي وايي د کرايست چرچ د مسجدونو پیښې، د هغې د ژوند مسير ته بدلون ورکړ. د نوموړې په وينا د پوليسو په اداره کې ېې کار کول د دې سبب شوي چې اوس نورې مسلمانې نجونې هم پولیسي شي. زينا علی وايي کله چې د پولیسو په جامه کې له کوره بهر وځي نو د وياړ احساس کوي.
دويچه وله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
