د کندهار ولایت د ارغنداب ولسوالۍ د جګړې مستند مې لیده چې د ولسوالۍ یو شمېر کلي یې تصویر کې ویستلي و او له ځایي خلکو سره خبرې شوې وې چې جګړې څومره زیانمن کړي دي.
د ارغنداب جګړه فوق العاده د کویټې له شورا رهبري کیدله او د پاکستان د ای ایس ای ځینې ځانګړې روزونکي هم دې جګړه کې د ګډون لپاره راغلي و چې ځینې وژل شوي او تصویرونه یې هم خپاره شوی دي.
د ارغنداب جګړې څو میاشتې دوام وکړ، په دې جګړه کې لومړی تاوان د ځایي خلکو دا وشو چې د انارو حاصلات یې وا نه خیستل او بوټو کې وراسته شول، بیا له هغې وروسته د غنمو حاصلات یې و نه شول او د طالبانو له لاسه یې سږ کال د خیټې ماړۍ له لاسه ووتله.
مستند کې لیدل کیږې چې طالبانو شاوخوا زر ماینونه د ارغنداب په لارو او سړکونو کې ځای په ځای کړي چې یو شمېر یې ملکي وګړو باندې چاودنه کړې چې د مالوماتو له مخې سل ملکي وګړي پکې وژل شوي او ۱۵۰ نور ټپيان دي.
مستند کې ښکاري چې د ارغنداب لسګونه ښوونځي، لسګونه جوماتونه چې طالبانو د سنګر په توګه کارولي او بیا چې کله ترې وتلي دي، ماینونه یې پکې ایښي او چاودنې یې ورکړي دي.
د دې تر څنګ مستند کې شکاري چې طالبانو د دیرش میلیونه ډالرو په ارزښت د کندهار درې ستر پلونه او لسګونه پلچکونه په بمونو الوځولي دي.
دغه راز د خلکو کورونه یې وران کړي، د خلکو د کورونو دیوالو کې یې لوی لوی سوري ویستلي او بیا یې له همدې ځایه پر افغان ځواکونو باندې بریدونه کړي دي.
د ارغنداب له جګړې زرګونه کورنۍ بې ځایه شوي، خوندې سیمو ته یې یواځې سرونه ویستلي او ډک کورونه یې طالبانو ته خوشې کړي دي.
د دې سیمې خلک چې په مستند کې خبرې کوي، ښکاره وایي چې طالب ترې سږ کال جګړه کې هر څه اخیستي او هیڅ شی یې لا نه دي ورپريښي.
مستند کې د ارغنداب ۹۰ کلي ښودل کیږي چې بشپړ ډول او یا نسبي ویجاړ شوي او هرې خواته یې ویجاړې کنډوالې ولاړې دي.
حتا طالبان د خدای په کور یا جوماتونو باندې هم رحم نه دی کړی، له جومات یې سنګر جوړ کړی، بیا یې پکې ماینونه ایښي او له منځه یې وړی دي.
د ارغنداب د جګړې مستند چې وګورئ، په دې به مو سل په سلو کې باور وشي چې طالب د ویجاړۍ او وینې تویدنې پروژه ده چې د بهرنیو استخباراتو له لوري تمویل کیږي او جګړه یې هیڅ ډول انساني او اسلامي توجیه نه لري.
طالبانو په ارغنداب کې له خلکو هر څه اخیستي دي خو بیا هم راپورته کیږي او دې جګړې ته کله د جهاد او کله له اشغال سره د مبارزې نوم ورکوي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.