نړيوال بانک اعلان کړی دی چي اداري هیئت یې له افغانستان سره د بلاعوضه مالي مرستو یوه نوې بسته تصویب کړې ده. دغه ۱۲۳ ميلیونه ډالري بسته به د اساسي اصلاحاتو، دولتي مصارفو او افغانستان د اقتصادي ودي په لار کي مصرف سي.
نړيوال بانک د دغو مرستو خبر پرون پنجشنبه (د جون میاشتي ۲۴ مه) ورکړی او ویلي يې دي چي دغه پیسې به د اساسي اصلاحاتو، دولتي مصارفاتو، مالي شفافیت، ښې حکومت ولۍ او د خصوصي سرمایه ګذارۍ د تشویق له لاري د افغانستان د اقتصادي ودي په لار کي مصرف سي.
د افغانستان له پاره د دغه بانک د دفتر رئیس، هنري کرالي د دغي نوي مالي بستې د تصویب پر وخت وویل: «د دغي نوي مالي مرستي تصویب د افغانستان د اقتصادي او اجتماعي وضعیت د سمولو په لار کي د نړيوال بانک هغه اوږدمهاله تعهد ښيي چي د کرونا ویروس شیوع متضرره کړی دی.»
کرالي همدارنګه وویل: «نړيوال بانک اماده دی چي په دغه سخت حالت او شرایطو کي د افغانستان د اصلاحاتو پروسې، اقتصادي ودي او خود کفايي د ساتلو په لار کي خپلو همکاریو ته دوام ورکړي.»
په پلان کي ده چي د مالي مرستو دغه نوې بسته د ۲۰۲۱م کال د حکومتي انکشافي پلان په چوکاټ کي تنظیم سي.
د نړيوال بانک په خبر کي همدارنګه راغلي دي چي د افغانستان د بیارغوني له صندوق سره هم ۳۰۰ ميلیونه ډالره مرسته کیږي چي په دې سره له افغانستان سره مجموعي کومک ۴۳۲ ميلیونه ډالرو ته رسیږي.
دغه بانک لیکلي دي چي سیاسي اوضاع او د کرونا وبا د افغانستان پر اقتصادي وضعیت، د حکومت پرمالي سیسټم او اجتماعي پرمختګ باندي سختي منفي اغېزې کړي دي.
بانک همدارنګه ویلي دي چي په ۲۰۲۰م کال کي د کرونا وبا او د ښارونو د قرنطین په سبب اکثرو خلګو په رسمي او خدماتي ځانګو کي خپل کارونه او وظایف له لاسه ورکړي دي. په همدغه کال کي د افغانستان اقتصادي وده دوه فیصده راکمه سوې ده.
سربیره پردې په تیرو څو میاشتو کي وچکالۍ، خراب اقتصادي وضعیت، امنیتي بحران او خراب سیاسي وضعیت د عامو خلګو فقر او دربدري نوره هم ډېره کړې ده.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.