روسيه د افغانستان په تړاو له چين او پاکستان سره خبرې اترې کوي. امريکا هم په دې خبرو کې د ګډون له پاره بلل شوې وه خو د واشنګټن له خوا ويل شوي چې په دې غونډه کې به ګدون ونه کړي.
د افغانستان له پاره د روسیې ځانګړي استازي، ضمير کابلوف د تېرې جمعې په ورځ ويلي ول چې د دې خبرو اترو موخه «په افغانستان کې تغیريدونکي وضعيت ته د ځواب ويلو له پاره يوه ګډ دريځ د غوره کولو» هڅه ده.
په اصل کې په دې خبرو اترو کې چې نن، سه شنبه ترسره کيږي، امريکا متحده ایالاتو هم بايد ګډون کړی وای خو د دغه هېواد د بهرنیو چارو وزارت يوه وياند د دوشنبې په ورځ وويل چې امريکا به په دې خبرو کې ګډون ونه لري. نوموړي د دې علت لوژيستکی دلایل په ګوته کړل.
خو د بهرنيو چارو وزارت له خوا زياته شوې چې دغه هېواد په راتلونکي کې په دې ډول غونډو کې د ګډون له پاره چمتو دی.
د وزارت ویاند پاريس وويل: «موږ به د مسکو په خبرو اترو کې ګډون ونه کړو. ترويکا او ورسره نور مله هېوادونه يو اغیزناک او رغنده فورم دی. موږ په دغه فورم کې د ښکيلتيا اراده لرو خو اوس په روانه اونۍ کې په دغه غونډه کې ګډون نه شو کولی.»
هغه زياته کړه: «دوی په ماضي کې اغيزناک اوسيدلي دي. موږ اوس يوازې د لوژيستکي دلایلو پر اساس په دې غونډه کې ګډون نه شو کولی.» د دې پوښتنې په ځواب کې چې آیا دوی له دې پروسې څخه ملاتړ کوي، پاريس وويل :«هو! موږ له دې پروسې ملاتړ کوو.»
د چهار شنبې ورځې له پاره د روسیې د استازو او د طالبانو ترمنځ خبرې اترې پلان شوي دي چې څرنګه په افغانستان کې د بشري بحران د رامنځته کيدو مخه نيول کيدلی شي.
په مسکو کې په مارچ مياشت کې هم د روسیې، امريکا، چين او پاکستان په ګډون يو کنفرانس جوړ شوی وو. د دې غونډې په پای کې په جاري کړل شوې ګډه اعلاميه کې هغه مهال د افغانستان په کړکيچ کې پر ښکيلو اړخونو سولې ته د رسېدو او له تاوتريخوالي د لاس اخيستو غږ شوی وو.
خو اوس په افغانستان کې واک ته د طالبانو تر رسېدو وروسته د ملګرو ملتونو په حواله دغه هېواد د يوه بشري بحران له ګواښ سره مخ دی.
دمګړۍ د لوېدیځ هېوادونه او متحده ايالاتونه هڅه کوي چې په افغانستان کې د بشري بحران د رامنځته کيدو مخه ونیوله شي او په رسميت د طالبانو د پيژندلو پرته د افغانستان خلکو ته بشري مرستې ورسوي.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.