د برلین ښاري محکمې دوه افغان وروڼه د خپلې خور د وژنې له کبله په «ناموسي قتل» تورن کړي دي. پنځه میاشتې مخکې دغه د دوو ماشومانو مور افغانه مېرمن وژل شوې وه.
د دوشنبې په ورځ (د ۲۰۲۱م کال د دسمبر میاشتې په ۲۷مه) د برلین ښاري محکمې دوه افغان وروڼه د خپلې خور په قتل تورن کړي دي. پلټونکې په دې باور دي چې دواړو وروڼو خپله ۳۴ کلنه خور په شدیدو محدودیتونو سره څو ځله تر فشار لاندې راوستې وه.
د پلټونکو په خبره یادو وروڼو بیا وروسته په یوه بهانه خپله خور د ملاقات له پاره را بللې وه او بیا یې وژلې وه. پلټونکو ویلي چې تر قتل وروسته د میرمنې د بدن غړي جلا شوي ول.
د پیښې پلټونکو زیاته کړې چې دغو افغان وروڼو بیا د جسد ټوټې په يوه ستر بکس کې ځای پر ځای کړي وې او له برلين څخه يې بایرن ايالت ته انتقال کړی وو او هلته یې خښ کړی وو.
د یادې پیښې په تړاو په آلماني رسنیو کې د څار د کامرو هغه فلمونه هم خپاره شوي چې پکې ښکاري چې یاد دواړه افغان وروڼه چې عمرونه یې ۲۲ او ۲۵ کلونه ښوول شوي، د برلین په زود کرویز ریلونو تمځای کې د خلکو په منځ کې ستر بکس انتقالوي. تر پیښې وروسته د روان ميلادي کال د اګست میاشتې له څلورمې نېټې راهیسې دواړه افغان وروڼو په توقیف کې دي.
د یادولو وړ ده چې دغه افغانه کورنۍ څو کلونه مخکې له افغانستان څخه آلمان ته را کډه شوې وه او په آلمان کې میشت شوي ول. د معلوماتو له مخې یادې مېرمنې دوه اولادونه لرل او له خپل افغان خاوند څخه یې طلاق اخیستی وو.
د پولیسو د اعلامیو له مخې د دواړو وروڼو له جملې یوه یې په ځانګړې توګه د خپلې خور د کنترول له پاره ډیر فشار راوړی وو. دغه افغانه ښځه د آلمان په برلین کې اوسیدله، هغه ښار چې د میرمنې دوو وروڼو هم پکې ژوند کاوه.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.