واک ته د طالبانو تر رسيدو وروسته په افغانستان کې يو شمير رسنۍ وتړل شوې. په هلمند کې هم اوو سيمه ایزو رسنيو خپل فعاليت درولی. طالبان بيا وايي چې د دغو رسنيو د بيرته فعاليدو له پاره هلې ځلې کوي.
له همدی ډلې یې په هلمند کې شاوخوا اوه رسنۍ چې څلور یې ږغیږي او دری یې تصویري وي، خپل فعالیت درولی دی. په هلمند کې د سیمه ایزو خبریالانو ټولني مشر نعمت الله همت په حواله په دې رسنيو کې د بست، سمون، ژوندون او مسکا راډیوګانې او د سباوون، ژوندون او باختر سیمه ایز ټلویزیونونه شامل دي.
همت زياتوي چې دلته رسنیو ته د موسیقۍ د خپرولو سربیره د ښځينه کارکوونکو د استخدام اجازه هم نه ورکول کيږي.
نوموړی زياتوي: «هلمند کې څلور سیمه ایزې راډیو ګانې او درې تصویري رسنۍ د اقتصادی ستونزو له امله تړل سوي دي چې ډیری خبریالان هم ورسره بی کاره سوي. رسنیو کې د موسيقۍ خپرول او د ښځو کار کول هم منع سوي دي.»
په هلمند کې د یوې سیمه ایزې رسنۍ مسول عبدالستارعطایي هم له دویچه ویله راډيو سره په خبرو کې د رسنيو د تړل کيدو علت همدا اقتصادي ستونزې يادې کړې. هغه وویل ډیری رسنۍ اوس نه سي کولای چې خپل مصارف پوره کړي.
د عطایې په خبره تردې وړاندې رسنیو ته یو شمیر بهرنیو مرسته کوونکو میاشتنې پروژي ورکولې چې د دوی اقتصادي ستونزی یې حل کولې.
نوموړی زياتوي: «اوس هلمند کې رسنۍ هغومره اعلانات او پیسې نه سې برابرولای چې د خپلو کارکوونکو معاش، ډوډي د برښنا مصارف او یا هم ډیر نور څه ورته برابرکړي، نو دوی اړ دي چي خپلې رسنۍ وتړی.»
خو په هلمند کې د طالبانو د اطلاعاتو او کلتور ریاست د اطلاعاتو امر مولوی بخت محمد مزمل دویچه ویله ته وویل چې په هلمند کې ځینې رسنۍ تړل سوي خو د تړل کيدو علت یې له دوی سره نه دی شريک سوی.
هغه وویل درې رسنۍ به بیرته خپل فعالیت پیل کړي او له هغوی سره یې خبرې هم پیل کړي څو یې ستونزې حل او نشرات بیرته پیل کړی.
نوموړي وویل یواځې د موسیقې خپرول د اسلام له نظره ښه نه دي او نورو ټولو رسنیو ته یې اجازه ورکړي چې داسلامې امارت د اصولو په رڼا کې خپل فعالیت پیل کړی.
مولوی بخت محمد مزمل وایي: «په هلمند کې بست، مسکا او سباوون رسنۍ خپل فعالیت بیرته پیلوي. ما ورسره خبرې کړې دي او سمون راډیو د اقتصادی ستونزو له امله خپل رسنۍ تړلې ده. نوره کومه ستونزه نسته.»
په افغانستان کې د ازادو راډیو ګانو د همږغۍ مرکز ویاند شفیع الله عزیزي وایي تر اوسه په ټول هیواد کې شاوخوا ۴۰ ږغیږې او تصویري رسنۍ او تر۳۰ پورې چاپي رسنۍ تړل سوي دي چې لوی علت یې اقتصادي ستونزې دي. عزیزي وایي که بانکي سیستمونه فعال او ډونران له رسنیوسره مرسته وکړي نو ښایي دغه رسنۍ بیرته فعاله سي.
د طالبانو له واکمنۍ وروسته دا لومړي ځل دی چې په هیواد کې ۷۰ چاپي او ږغیږې رسنۍ د اقتصادي ستونزو له امله تړل کیږي خو ویل کیږي د دې رسنیو سلګونه کارکوونکي اوس په کورونو ناست دي او یا هم نورو هیوادونو ته کډوال سوي دي.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.