ټاکل شوې وه د هغه بندي خانې کیلي لیلام ته وړاندې شي چې د سویلي افریقا لومړنی تورپوستی ولسمشر نیلسن منډیلا په کې نږدې دوه لسیزې بندي و. خو د سویلي افریقا حکومت پر دې لیلامۍ سخت اعتراض کړی دی.
نیلسن منډیلا چې د توکمپالنۍ پر ضد کمپاین پر مهال د خپل ژوند ۲۷ کلونه په زندان کې تیر کړي و، د هغو له جملې څخه ۱۸ کلونه یې یوازې د روبن آئې لینډ په زندان کې تیر کړي وو، چې ټاکل شوې وه کیلی یې د جنورۍ په ۲۸ نیټه لیلام ته وړاندې کړای شي.
اړونده لیلام خونې «ګرنسیز» په خپله انټرنټ پاڼه لیکلي دي تر څو چې د «سویلي افریقا د لرغونو منابعو آژانس» له سره دا موضوع نه وي ارزولې، تر هغې وخته پورې به د لیلام چارې وځنډول شي.
د ګرنسیز مسئولینو د فرانسې خبري آژانس (ای اف پي) ته ویلي دي چې دغه دولتي آژانس د دې له پاره د دغو یادګاري توکو نیلام د ځنډولو غوښتنه نه ده کړې، چې د دوی په خبره کوم شی غلا شوی دی، بلکې د دې له پاره چې «دغه توکي د اړینې اجازتنامې پرته له سویلي افریقا څخه بهرني هیواد ته لیږل شوي وو.»
د نیلسن منډیلا په دې یادګاري شیانو کې چې ټاکل شوې وه لیلام ته وړاندې شي د مادیبا په نوم د هغه مشهور کمیس، عینکې او قلمونه شامل دي.
سویلي افریقا د لیلام په هکله څه وویل؟
د سویلي افریقا د کلتور او هنر وزیر ناتهي میتهیتها د لیلام پروسې د ځنډول کیدو هرکلی کړی دی. نوموړي وزارت په خپله یوه بیانیه کې ویلي دي: «دغه کیلي که له یوې خوا د سویلي افریقا د دردونکي تاریخ یوه نښه ده، له بلې خوا دا پر بدۍ د انساني روح د بریا استازیتوب هم کوي.»
نیلسن منډیلا د توکمپالنۍ پر ضد کمپاین پر مهال د خپل ژوند ۲۷ کلونه په زندان کې تیر کړي و
په دغه اعلامیه کې زیاته شوې ده: «دا کیلي د سویلي افریقا د اوسیدونکو د آزادۍ د اوږد او سخت سفر ژوندی ثبوت دی او دا د سویلي افریقا د خلکو پورې تعلق لري. له همدې امله ښه خبره دا ده چې دا همدې هیواد ته بیرته وسپارل شي.»
کیلي د امریکا لیلام خونې ته څنګه رسیدلې؟
د توکمپالنې پر ضد مبارزې کمپاین کولو له امله نیلسن منډیلا په ۲۷ کاله بند محکوم شوی و، خو هغه په خپله مبارزه کې بریالی شو او بالاخره په ۱۹۹۴ م کال کې د سویلي افریقا د لومړني تور پوستي ولسمشر په توګه وټاکل شو او د دغه هیواد تر ټولو لوړ مقام ته ورسید. نیلسن منډیلا تر ۱۹۹۹م کاله پورې پر همدې مقام پاتې شو او په ۲۰۱۳م کال کې د ۹۵ کلنې په عمر ومړ.
د نیلسن منډیلا پخواني ساتونکي کرستو براند، د بند پر مهال په زندان کې له هغه سره خپله ملګرتیا لا زیاته نږدې کړې وه، له همدې امله له ۱۹۸۰م کال راهیسې د دې بنديخانې کیلي له همده سره وه.
د منډیلا تر ټولو مشرې لور مکازیوې منډیلا امواه، د ګرنسیز له لیلام خونې څخه د لیلامولو پروسې د جاري ساتلو غوښتنه کړې وه. په پام کې وه د دغو توکو له لیلامولو څخه په ترلاسه کیدونکو پيسو به د منډیلا قبر شاوخوا ته د یوه باغ او یوه یادګاري موزیم د جوړونې له پاره استفاده وشي.
د ګرنسیز یوه چارواکي وویل: «زه پوهیږي چې له دې سره به د منډیلا کورنۍ خواشینې کیږي، دا زمونږ له پاره هم خفه کوونکې خبره ده، خو د سویلي افریقا چارواکي هغه څه کوي، چې هغوې یې بهتره ګڼي. په داسې حال کې چې مونږ ورسره هم نظره نه یو.»
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.