طالبانو په ژنيو کې له نړيوالې ټولنې د افغانستان له پاره د بشري مرستو پر سر مستقيمې خبرې غوښتې دي. د طالبانو پلاوي په سويس کې له نړۍ څخه وغوښتل چې »د بشري مرستو دغې اړتيا ته غبرګون وښيي.«
انځور له آرشيف څخه
په افغانستان کې په ميليونو خلک دا مهال لوږه ګواښي. طالبانو اوس له نړيوالې ټولنې غوښتي دي چې »له خپلو هغو سازمانونو څخه ملاتړ وکړي چې د بشري چارتا له مخې کار کوي، څو افغانانو ته غير سياسي، بې طرفه او خپلواکې مرستې ورسول شي.« په افغانستان کې بشري وضعيت له هغه وخت راهيسې ترينګلی شوی دی چې طالبان واک ته رسېدلي دي.
د طالبانو حکومت تر اوسه پورې د نړۍ د هيڅ دولت له خوا په رسميت نه دی پېژندل شوی. د اسلامپالو پر وړاندې له بشري حقونو څخه د سرغړونو له کبله لګېدلي نړيوال بنديزونه د مرستندويو ټولنو کار نور هم پسې سختوي. خو ملګري ملتونه له اوږدې مودې راهيسې د دغسې بنديزونو راکمېدل غواړي.
ملګري ملتونه په افغانستان کې د لوږې د زياتېدو له کبله اندېښنه لري
په ژنيو کې د طالبانو استازو د نورو تر څنګ د سويس له ديپلوماتانو، د روغتيا د نړيوال سازمان او د سره صليب له نړيوالې کميټې سره وکتل. د طالبانو پلاوی د »ژنيوا کال« په نوم سازمان له خوا رابلل شوی وو چې د غير دولتي وسله والو ډلو له خوا د بشري بين الدول حقوقو د رعايت له پاره مبارزه کوي.
دغه سازمان له پخوا راهيسې په افغانستان کې فعال دی. په ژنيو کې له طالبانو سره ټولې کتنې د تړلو دروازو تر شا تر سره شوې.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.