د پاکستان پوځي الوتکو د خوست او کنړ ولایتونو په یو شمېر سیمو بمبار کړی دی او درنه مرګ ژوبله یې اړولې ده

دعوت میډیا ۲۴( یکشنبه/۲۸ وری/۱۴۰۱): د افغانستان اسلامي امارت په خوست او کنړ ولایتونو کې پر ملکي وګړو د پاکستاني پوځیانو بریدونه چې له امله یې تر ۴۰ زیات کسان وژل شوي او ګڼ نور ټپیان شوي، په کلکه غندلي دي.

اسلامي امارت ویاند ذبیح الله مجاهد څو شېبې وړاندې په خپل ټویټر لیکلي: «د افغانستان اسلامي امارت په خوست او کنړ کې د کډوالو په وړاندې د پاکستان وحشیانه بریدونه په کلکه غندي. پر پاکستان غږ کوي، چې دې افغانانو له زغمه د په داسې چارو کې کار نه اخلي او دا ډول تېروتنې دې نه تکراروي کنه دا به بدې پایلې ولري. د اسلامي امارت ویاند ټینګار کړی، چې ټولې ستونزې باید له سیاسي لارې هوارې شي.

پاکستاني چارواکو تر اوسه په دې اړه څه نه دي ویلي. خو د اسلامي امارت د بهرنیو چارو وزارت نن ماسپښین د یوې خبرپاڼې په خپرولو سره ویلي چې د افغانستان پر سرحدي سیمو د دغه هیواد د بریدونو په تړاو یې په کابل کې د پاکستان سفیر منصور احمد خان احضار کړی دی. دغه وزارت همدا ډول د افغانستان پر سرحدي سیمو د پاکستاني پوځیانو بریدونه وغندل او د بیا تکرار په مخنیوي یې ټینګار وکړ. د اسلامي امارت د بهرنیو چارو له وزارت څخه په خپره شوې خبرپاڼه کې راغلي، چې د دغه وزارت سرپرست امیر خان متقي په کابل کې د پاکستان له سفیر سره…په افغانستان باندې د هیواد د یرغل دوام د دواړو لورو ترمنځ اړیکې خړې پړې کوي او “ناوړه او تعصبي ناوړه استفادې ته به لاره هواره کړي چې ناوړه پایلې به ولري.

چې په همدې تړاو زرګونو افغانانو په خوست ولایت کې لاریون کړی او د پاکستان ضد شعارونه ورکړي دي.

له دې سره د طالبانو د بهرنیو چارو وزارت وایي چې په کابل کې مو د پاکستان سفیر منصور احمد خان احضار کړی دی.

راپور: سیما مایار