د هند د بهرنيو چارو وزارت يو پلاوی کابل ته لېږلی څو د واکمنو طالبانو له لوړپوړو چارواکو سره وګوري. دا به له افغانستان څخه د بهرنيو ځواکونو تر وتلو ورووسته د خپل ډول لومړۍ ليدنه کتنه وي.
رويترز خبري آژانس د پنجشنبې په ورځ (۲۰۲۲م کال د جون ۲) خبر ورکړی دی چې د هند د بهرنيو چارو وزارت يو پلاوی کابل ته رسېدلی، څو له طالب چارواکو سره وګوري.
کابل ته هندي چارواکي په داسې حال کې سفر کوي چې دغه هيواد د تېر میلادي کال په دوبي کې د بهرنيو ځواکونو تر وتلو او واک ته د طالبانو تر رسېدو راهيسې د سختې بې وزلې او لوږې سره لاس او ګريوان دی.
د هند د بهرنيو چارو وزارت له خوا په خپره شوې يوه اعلاميه کې ويل شوي: «د هندي چارواکو ډله به د طالبانو له لوړپوړو چارواکو سره وګوري او د افغانستان له خلکو سره به د هند پر بشري مرستو بحث ترسره کړي.»
په دغه اعلاميه کې زياته شوې: «هندي چارواکي به د خپل سفر په ترڅ کې همدا راز د دوو نړيوالو سازمانونو له استازو سره هم وګوري چې په افغانستان کې د بشري مرستو په ويش کې کومک کوي.»
همدا شان زياته شوې ده چې دغه هندي چارواکي به له هغو ځايونو څخه هم ليدنه وکړي چې هندي پروګرامونه او پروژې پکې عملي شوي دي.
هند په دې و وروستيو کې له افغانستان سره د کابو ۲۰ زرو ټنو غنمو، ۱۳ ټنو درملو او د کورنا د کابو ۵۰۰ زره ډوزه واکيسنو او ژمې د کاليو مرسته وکړه. د هند د بهرنيو چارو وزارت په دې اعلاميه کې زياته شوې ده چې د درملو او غله جاتو نوره مرسته هم پر لاره ده.
د جنوبي آسيا دغه هيواد د تېر کال په اګست مياشت کې له افغانستان څخه خپل چارواکي ور وغوښتل او هلته یې خپل سفارت وتاړه. خو هند سربيره پر دې هم غواړي چې له افغانستان سره اړيکي وساتي چېرته چې یې پخوانی دښمن هيواد پاکستان د پام وړ نفوذ لري.
هند په کابل کې په دې وروستیو کې د خپل سفارت د بیا پرانیستل کیدو امکانات لټوي. خو لویه ننګونه امنیت دی چې په دې اړه یې د طالبانو له مشرانو سره خبرې اترې هم کړي دي.
تېره مياشت په نوي ډيلي کې حکومتي سرچینو ويلي ول چې هند ډیر ژر په افغانستان کې د خپل سفارت د بیا پرانیستلو په هکله غور کوي، څو سفارتي چارې بیا فعاله کړی شي. د «انډین ایکسپرس» په نوم د هند د یوې مشهورې ورځپاڼې په حواله دوی معلومات ترلاسه کړي چې د وضعیت د ارزونې په موخه د امنیتي کارمندانو یوې ډلې په فیبرورۍ میاشت کې کابل ته سفر هم کړی وو.
د می میاشتې په پای کې بيا د بهرنيو چارو وزارت له خوا ويل شوي ول چې په دې اړه لا هیڅ معلومات نه لري چې په کابل کې به سفارت کله بيرته پرانيستل شي.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.