په ننګرهار ولایت کې د طالبانو ځايي چارواکي وايي چې تیره شپه د دغه ولایت د روداتو ولسوالۍ په یوه ديني مدرسه کې د چاودنې له کبله لږ تر لږه ۸ زده کونکي ټپيان شوي دي. ویل شوي چې چاودنه د لاسي بم ده.
يوه ځایي چارواکي تېره ورځ (د ۲۰۲۲ کال د جولای دويمه) د آلمان خبري آژانس ته وويل د ټپي شوو زده کونکو په ډلې کې د دوو تنو روغتیاي وضعیت نازک وو چې روغتون ته رسول شوي دي.
په ننګرهار کې د طالبانو د پولیسو وياند، عبدالبصير زابلي، په افغانستان کې فعال چينل، طلوع نيوز، ته وويل چې دغه چاودنه د لاسي بم وه چې د روداتو ولسوالۍ ېوې ديني مدرسې ته غورځول شوی دی. هغه وويل په دغې مدرسه کې شپې له خوا هم زده کونکي اوسيږي. ځينو رسنيو دغه مدرسه د عثمان ذالنورین په نوم ښودلې ده.
د آلمان خبري آژانس په حواله تر اوسه د دغې پيښې مسئوليت کومې ډلې په غاړه نه دی اخیستی.
د داعش ډلې جنګيالي په افغانستان، په ځانګړې توګه د افغانستان په ختيځ کې فعال حضور لري چې غالباً د طالبانو پر امنيتي ځواکونو او مذهبي لږګیو باندې بريدونه کوي. دغې ډلې په تر ټولو تازه مورد کې په کابل ښار کې د طالبانو پر يوې غونډې د حملې مسئولیت منلی دی.
شاوخوا دوه اوونۍ مخکې په کابل کې د سیکهانو پر یو عبادت ځای وسلوال برید وشو چې د طالبانو په وينا دوه کسان په کې ووژل شول. د یادې حملې مسئوليت هم داعش ډلې منلی وو. طالبانو هغه وخت تر حملې څو ساعته وروسته وويل چې دوو وسلوالو پر درمسال برید کړی وو چې د دوی ځواکونو له خوا ووژل شول.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.