هغه اعلان وکړ چې کیرن ډیکر په افغانستان کې د امریکا د سفارت د نوې شارژدافیرې په توګه ټاکل شوې ده.
یان مک کري د ۲۰۲۱م کال په اګست میاشت کې په افغانستان کې د امریکا د شارژدافیر په توګه کار پیل کړ.
نوموړي په افغانستان کې د امریکا د سفارت د نوي شارژدافیر په توګه د کیرن ډیکر د معرفي کولو په ترڅ کې وویل:» د کیرن ډیکر په مشرۍ چې زما ځای ناستې ده، د افغانستان له خلکو سره به زموږ ژمنې کمزورې نه شي.«
کیرن ډیکر اوس مهال د افغانانو د ایستلو او بیا میشتیدنې پروسې د عملیاتي پروګرام د مشرې په توګه کار کوي.
د ۲۰۱۸ کال له سپټمبر څخه تر ۲۰۲۰ کال پورې مېرمن ډیکر په کابل کې د امریکا سفارت د مرستیالې په توګه هم کار کړی دی. هغه د شخړو په حل او د بحران په مدیریت کې تخصص لري.
له هغه وخت راهیسي چې طالبان بیا په افغانستان کې واک ته رسېدلي دي، د افغانستان له پاره د ډېرو هيوادونو سیاسي پلاوي له دوحې څخه فعالیت کوي.
د افغانستان له پاره د امریکا پخواني شارژدافیر لیکلي چې تېر کال یې په دوحه کې له طالبانو سره پر بېلابېلو مسایلو خبرې کړې وې.
د نوموړي د ټوېټ په یوه برخه کې راغلي دي چې امریکا متحده ایالات له افغانستان سره د بشري مرستو تر ټولو لوی تمویلونکی هيواد دی.
هغه زیاته کړه: «د ۲۰۲۱م کال د اګست له ۱۵ راهیسې موږ تر ۷۷۵ میلیونه ډالرو ډېري بشري مرستې کړي دي.»
د امریکا متحدو ایالتو دغه دیپلومات ټینګار کړی دی چې امریکا به په افغانستان کې د اقتصادي ثبات د تامین له پاره له خپلو شریکانو سره په ګډه کار ته دوام ورکړي.
هغه یو ځل بیا یادونه وکړه چې د امریکا د خزانې وزارت د افغانستان له خلکو سره د اقتصادي فعالیتونو او حیاتي مرستو د اسانتیا له پاره څو عمومي جوازونه ورکړي دي.
دغه جګپوړي امریکايي ډیپلوماټ د نجونو له پاره د ښوونځیو د تړلو او د طالبانو له خوا د بشري حقونو د سرغړونې په اړه خپله اندېښنه څرګنده کړې او لیکلي یې دي: «موږ منځنیو ښونځیو ته د نجونو د نه ستنیدو په اړه اندېښمن یو، د بشري حقونو د سرغړونو په اړه باوري راپورونو په تیره بيا د رسنیو د آزادۍ په خرابیدو او د ښځو پر حقونو د نه منلو وړ محدودیتونو له لګولو څخه ډیر خواشیني یو.»
دغه پخواني امریکايي چارواکي ویلي دي چې دوی به له طالبانو د ژمنې پوره کول وغواړي چې له مخې به یې افغانستان د داعش او القاعده شبکې د خراسان څانګې په ګډون د ترهګرو له پاره خوندي ځای نه شي.
هغه ټینګار کړی دی چې امریکا او په نړیواله ټولنه کې یې شریکانو طالبانو ته ښکاره پیغام ورکړی دی چې که دوی د نړیوالې ټولنې له خوا د منلو هیله لري، باید د افغانانو نظر ته غوږ کښېږدي او د بشر د حقونو درناوی وکړي.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.