په ټولنیزو رسنیو کې کم وخت تېر کړئ

په ټولنیزو رسنیو کې خپل ډېر کم وخت تېر کړئ، تر څو خوشحاله واوسئ او ډېر لږ سټرېس، اضطراب او خپګان ولرئ!

ټولنیزې رسنۍ لکه فېسبوک، انسټاګرام او ټېک ټاک د رنګینو درواغو په څېر دي. تاسو کولای شئ یوازې د خلکو د خوشحاله شېبو او ښو شیانو په ځیرکه توګه فلتر شوي عکسونه پکې وګورئ. آیا دا په دې مانا ده، چې ټول خلک په ممکنه توګه د غوره ژوند کولو په حال کې دي؟ هیڅکله هم نه؛ خو هیڅوک نه غواړي نړۍ ته وښیي، چې خپلې کورنۍ سره د ښکلو او خندانه عکسونو تر شا، ساعتونه ساعتونه دایمي شخړې هم شته.

که په ټولنیزو رسنیو کې ډېر وخت تېروئ او دا اجازه ورکوئ، چې پر تاسو فشار راوړي، تر څو فکر وکړئ ښه ژوند نه لرئ؛ په حقیقت کې د خپل ځان پر وړاندې د غم، اندېښنو او ناهیلۍ دروازې پرانیزئ. په ټولنیزو رسنیو کې خپل وخت تېرونه محدوده یا کمه کړئ، چې په دې توګه تر دې فشار لاندې رانشئ، تر څو په نړۍ کې د نورو غوندې ژوند وکړئ. هر څومره ‌ډېر وخت چې په انټرنیټ کې تېر کړئ، له خپل ژوند څخه د ناخوښۍ یا نارضایتۍ احتمال مو زیاتېږي. خپل خپلوانو، دوستانو او کورنۍ سره په اړیکه کې واوسئ او ځیني وختونه خپلو انلاین ملګرو سره هم بوخت شئ، خو اجازه مه ورکوئ چې دغه مجازي نړۍ مو له خپلې واقعي نړۍ لېرې کړي.