د طالبانو حکومت ویاند ذبیح الله مجاهد بي بي سي ته د ښاغلي عظیمي د خوشې کېدو پخلی کړی، خو نور جزییات یې نه دي ورکړي.
تر اوسه روښانه نه ده چې نوموړی دقیقآ څه وخت، څنګه او د کومو شرایطو له مخې خوشې شوی دی.
عظیم عظیمي د روان ۲۰۲۲ کال د جنورۍ پر ۱۸مه داسې مهال کابل کې نیول شوی و چې افغانستان ته یې د پاکستان د ملي امنیت سلاکار معید یوسف د پلان شوي سفر پر خلاف لاریون سازمان کړی و.
د ښاغلي یوسف په مشرۍ د پاکستاني پلاوي دا سفر هم بیا ونشو او کابل کې د پاکستان سفارت وویل چې د خرابې هوا له کبله بل وخت ته ځنډېدلی دی.
ښاغلی عظیمي له نیول کېدو وروسته ډېره موده تری تم و او ملګرو یې ویل چې د طالبانو حکومت استخباراتو نامالوم ځای ته لېږدولی دی.
هغه مهال د نوموړي د خوشې کېدوغوښتنې لپاره په خواله رسنیو کمپاین هم پیل شوی او په کور دننه او بهر یې د بشري حقونو ځینو فعالانو د خوشې کېدو غوښتنه کړې وه.
طالبانو وروسته د هغه نیول کېدل تایید او نوموړی د امنیت په ګډوډولو تورن کړی و.
عظیم عظیمي چې ډېر وخت به یې د طالب وسله والو لخوا د مخکیني حکومت د پوځي او ملکي ادارو له کارکوونکو او عامو خلکو سره د زور زیاتي پېښو بېلګې مطرح کولې، تر نیول کېدو څه موده وړاندې ادعا کړې وه چې پخپله دی هم د طالبانو لخوا سخت وهل شوی دی.
د یادونې ده چې د طالبانو حکومت لخوا پر ښاغلي عظیمي سربېره وخت ناوخت نور نارینه او ښځینه مدني فعالان او ژورنالیستان هم نیول شوي، خو هغوی دومره اوږده موده بند کې نه دي ساتل شوي.
د طالبانو لخوا دغه نیول شوي کسان له خوشې کېدو وروسته تر ډېره رسنیو سره له خبرو ډډه کوي او ظاهرآ داسې ښکاري چې د دغه کار سپارښتنه به ورته شوې وي.
bbc/pashto
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.