پوهه

د هارورد د پوهنتون پخواني ريس جيمز کنانت ليکي:

٬٬ پوهه د سره ورته طرحو او تړلو ايډياوو څخه ده، چې د ازمايښتونو او تجربو په اثر منل شوی وي او د ډېرو تجربو او ازميښتونو په کولو سره لا هم پسی غني کيږي.٬٬

د نړۍ په سر ډېر علمي کدرونه او پوهان تير شوي چې ددوی پوهې د تجروبو او ازميښتونو په اثر منل شوي.

 چا خپله پوهه د کوم منفي مقصد د پاره کارولي، چا خپله پوهه پلورلې او چا خپله پوهه د انسانانو د هوساينې او د ښه هدف د پاره کارولې. هغه پوهان چې خپله پوهه يې د ښه هدف او د انسانانو د هوساينې د پاره کارولې ډېر کم دي.

زه پوه انسان هغه چا ته وايم، چې د هغې د پوهې څخه انسانان ګټه پورته کړی شي، که دا پوهه په هره برخه کې وي او د انسانانو په ګټه وي.

مونږ په خپل هيواد افغانستان کې ډېر ښه علمي کدرونه او پوهان لرو، چې ددوی پوهې په ازميښتونو او تجربو  سره په ثبوت رسېدلي، خو د بده مرغه مونږ د داسو انسانانو په قدر نه پوهيږو، ددې د پاره چې مونږ  د دغې عالم يا پوهاند د پوهې څخه ګټه پورته کړو، برعکس د هغې د پوهې پورې ملنډې وهو او يا يې سپکوو. نو همدا وجه ده چې زمونږ هيواد او هيوادوال تل د بدبختۍ سره لاس په ګريوان دي.

زما خپله هيله د امارات د مشرانو څخه دا ده چې هغه پوهان او علمي کدرونه چې د هيوادوالو دردونه ورسره دي او خپله پوهه يې عملاً په ثبوت رسولی، په خپله غېږه کې دې ونيسي او ګټه ورڅخه پورته کړي تر څو افغانستان هم  په نړۍ کې د نورو پرمخ تللو هيوادونو په کتار کې راشي..

د يو اباده سرلوړي لوی افغانستان په هيله