ډبلیواېچاو: د ۲۰۲۴ کال له پيل راهیسې افغانستان کې د شري ناروغۍ له امله ۱۶۰ کسان مړه شوي
کابل (پژواک، ۲۲ چنګاښ ۱۴۰۳): د روغتیا نړۍوال سازمان په افغانستان کې د شري ناروغۍ ډېرېدو له امله اندېښنه ښودلې او ویلي یې دي چې ۲۰۲۴ کال کې په دغه هېواد کې د شري ناروغۍ له امله د ۱۶۰ کسانو مړینه ثبت شوې ده.
د روغتیا نړۍوال سازمان (WHO) په یوه راپور کې لیکلي چې په افغانستان کې سږ کال د شري ناروغۍ پېښې د تېرو دوو کلونو په پرتله ډېرې شوې دي.
دغه سازمان ویلي چې د ۲۰۲۴ کال له پیله تر دې دمه په افغانستان کې ټولټال ۳۶ زره او ۶۱۸ کسان د شري پر ناروغۍ اخته شوي دي.
د دغه سازمان د شمېرو له مخې، له دې ډلې ۲۹ زره او ۳۲۶ له پنځو کلونو کم عمره ماشومان او ۱۶ زره او ۵۸۲ نجونې دي.
د دغه سازمان د ارقامو له مخې، په هېواد کې د جولای میاشتې له لومړۍ تر اوومې نېټې ۱۵۹۷ کسان پر شري اخته او له دې ناروغۍ د ۱۳ کسانو مړینه ثبت شوې ده چې د تېرې اونۍ په پرتله ۵،۳ سلنه ډېروالی ښیي.
د روغتیا نړۍوال سازمان ویلي چې د شري ناروغۍ ډېرې پېښې په خوست کې ثبت شوې دي.
دغه سازمان په داسې حال کې په افغانستان کې د شري ناروغۍ د ډېرېدو خبر ورکړی چې بشري بنسټونو روغتیایي خدماتو ته د خلکو، په ځانګړي ډول د لرې پرتو سیمو اوسېدونکو له نه لاسرسي اندېښنه ښودلې ده.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.