پرون به ټولو ښارونو کی جلب واحضار او تلاشی/ اجمل غروال

پرون به ټولو ښارونو کی جلب واحضار او تلاشی په نوم حکومتی سرتیري ځوانانو پسی کوڅه په کوڅه ګرځیدل چی عسکری ته یی سوق کړي کله به داسی ځوانان په لاس ورغلل چی تذکره به ورسره نه وه نو دی پښو ویشتانو په لیدلو به یی د اتلس کلنی عمر ورته ټاکلو او د جنګ جبهو ته به یی لیږل ، په هغه وخت کی هم سرتیرو ته د نن ورځی په نرخ مساوی او حتی ډیره تنخواه ورکول کیده مګر ځوانان ډلي ډلي د عسکری او جنګ له ویری پاکستان او ایران ته تښتیدل.
نن برعکس
دی عسکری له ویری ځوانان بهر ته نه تښتي بلکی ځوانان داوطلبانه افغان وسله وال پوځ سره یو ځای کیږی او د خپلو پلرونو په وینو جوړ شوی نظام او ګران وطن لپاره قربانې ورکوي ،هیڅ کله هم په دومره لوړ تعداد میرمنو زموږ وسله وال پوځ مختلفو محاربوی، لوژیستکی، تدریسی او اداری قسمونو که دنده سر ته نه وه رسولې مګر نن زموږ خویندې د خپلو وړونو سره یو ځای دی افغانستان دښمنانو مقابل کی جنګیږی،
دا منو د جګړی مقدمو لیکو ته ځینو مواردو کی دی مهماتو ، اعاشې او هوایی مرستی نه رسیدلو ضعف شته او دا ضعف هم په وسله وال پوځ کی طالبانو رژیم وروسته د تنظیمی او قومی ګمارنو له کبله دي او همدا ګمارني وسله وال پوځ کی د فساد سبب ګرځیدلې،ډیر وخت همدغو پخوانیو شوکمارو چریکانو چی اوس یی لوړ پوړو قوماندانانو په صفت دندې اجرا کولی دښمن سره معاملی وکړی او په پایله کی پوستې، ټولي او حتی کنډکونه سرتیري مو شهیدان او یا دښمن په لاس اسیر شوي اوس دی همدغو غلو چریکانو مشران چی خپله په کابل کی د سیاست په نوم دکانداری کوي او اولادونه یی وطن څخه بهر په مزو او چړچو لګیا دی د شهیدو سرتیرو په وینو خپل سیاست(تجارت) کوي ،افغان ولس د دوی منفوري څیري پیژندلې او نور د دوی په دروغجنو تبلیغاتو نه غولیږي.
د ټولو نا خوالو سره زموږ میړنیو سرتیرو د وطن دښمنانو طالب،داعش، پاکستان، ایران،روس او نورو استخباراتی کړیو وړاندی لکه غرونه ولاړ او له خپلی خاوری دفاع کوي.
دی نړی او حرب په تاریخونو کی داسی جګړه نه لیدل کیږی چی بغیر له ځانی تلفاتو او مالی زیانونو پای ته رسیدلی وي او زموږ سرتیری په داسی یوی استخبارتی جګړی کی جنګیږی چی دښمن او مورچه یی مخامخ نه ښکاري حتی دی جزوتام په منځ کی د ملګری په نوم پټ دښمن برید ورباندی کوي،او دا ډول جګړی کی واضح دی چی قربانی به ډیره ورکوو او ډیر زیانونه به ګالو
زموږ راتلونکی نسلونه به د خپلو شهیدانو وینه او قربانی هیڅ کله هیره نکړي!
د ځوانانو قربانې او هوډ مونږ ته دا باور راکوي چی موږ په سمه او شرمیدلی دښمن مو په غلطه لاری روان دی.

نوم د حق مو دی رهبر وایو الله اکبر وایو الله اکبر