د شنونکو په خبره دامهال د پاکستان پر وړاندې هغه وسلهوالې ډلې د تحريک طالبان پاکستان يا TTP تر چتر لاندې د راټولېدو په هڅه کې دي چې په خپله د دې هېواد د استخباراتي شبکې له لوري رامنځته شوي او د دوی تر څار لاندې يې فعاليت کاوه. دوی دا څرګندونې وروسته تر هغې کوي چې هندۍ ډيپلوماټ ورځپاڼې راپور ورکړی چې د تحريک طالبان پاکستان يا TTP ډله بېرته په پاکستان کې د خپلو فعالتونو د زياتولو په هدف د انسجام په حال کې ده. په دغه راپور کې چې کابو ۵ورځې وړاندې خپور شوی راغلي، د يادې ډلې له لوري د انسجام په ترڅ کې تازه د افغان طالبانو تر چتر لاندې د جمعيتالاحرار او حزبالاحرار دوې وسلهوالې ډلې هم چې د TTP پخوانۍ شاخې وې، له تحريک طالبان پاکستان سره بېرته يو ځای شوي دي. دې ډلو له ۲۰۱۴ کال را وروسته هغه مهال چې له پاکستاني طالبانو رابېل شول، د افغانستان په ختيځ کې د افغان طالبانو په همکارۍ د افغان ځواکونو پر وړاندې پر فعاليت لاس پورې کړ. ورځپاڼې زياته کړې چې له پاکستاني طالبانو سره د يادو ډلو د يو ځای کېدو پخلی په پخپله پاکستاني طالبانو هم د يوې اعلاميې په خپرولو سره کړی دی. د چارو شنونکی مطيعالله خروټی وايي، له پاکستاني طالبانو سره د جمعيتالاحرار او حزبالاحرار په څېر د وسلهوالو ډلو يو ځای کېدل چې فعال جنګيالي او تجهيزات لري، د دې ډلې نظامي قووت څو برابره زياتولی شي او په خبره يې دا کار ښايي د پاکستاني ځواکونو پر وړاندې په قبايلي سيمو او د پاکستان په نورو ښارونو کې د جګړې د پیل متفاوت فصل وي. نوموړي په دې اړه سيحون ته وويل:
«دلته بايد ووايم هو؛ پاکستاني طالبانو په پېښور کې پر پوځي ښوونځي لوی بريد کړی و او اوس د داسې بريدونو د کېدو امکان زيات شو. دوی به د پاکستان پوځي او ملکي هدفونه هم په نښه کړي. داسې ډلې پاکستان خپله جوړوي خو چې له مديريت يې ووځي نو خپله دوی ته بيا سرخوږی جوړوي.»
د ډيپلوماټ ورځپاڼې د راپور له مخې جمعيتالاحرار او حزبالاحرار د پاکستاني طالبانو هغه دوې پياوړې شاخې دي چې د يادې ډلې د مشر حکيمالله مسعود تر وژل کېدو وروسته د رهبرۍ پر سر د راپورته شويو جنجالونو له کبله په ۲۰۱۴ميلادي کال کې له دې ډلې جلا شوې. خو اوس چې دغه ډله له خپلو شاخو سره بېرته د پاکستان په مقابل کې منسجمېږي، شنونکي يې لامل د پاکستان له لوري د هغو ترهګرو ډلو په مديريت کې ضعف بولي چې پاکستان يې په سيمه کې او په ځانګړې توګه په افغانستان کې د خپلو ګټو د تحقق په هدف کاروي. شنونکی او نظامي کارپوه جنرال طاهر يرغل پر دې باور دی چې دامهال بايد د ترهګرۍ د تمويل او تجهيزولو له درکه متقابل محصول ترلاسه شي او په خبره يې د دغه محصول بڼه په افغانستان کې د ترهګرۍ له کبله د رامنځته شويو قربانيو بيه پرې کول دي چې تر دې وروسته به يې پخپله پاکستان جبرانوي. نوموړي په دې اړه زياته کړه:
«دې ډلو د پاکستان د استخباراتو تر څار لاندې کار فعاليت کاوه، خو اوس په خپله دوی ته بلا شوي دي. پاکستان تل په افغانستان کې ترهګري تمويل کړې خو اوس وار د پاکستان دی چې په خپل لاس د تمويل شويو ډلو له لوري به تهديدېږي.»
د پاکستان له لوري د پاکستاني طالبانو د يو شمېر غړيو له نيول کېدو سره همهاله په وروستيو کلونو کې د دې ډلې فعاليتونه خورا محدود شوي خو دا ډله لا هم د خپل تحرک ساتنې او تثبيت په هدف په قبايلي سيمو کې وخت ناوخت د پاکستاني ځواکونو پر پوستو او کاروانونو بريدونه کوي.
اوس چې د يادې ډلې د بېرته انسجام په اړه راپورونه خپاره شوي، شنونکي يې د قووت او فعاليت ساحې د پراخوالي تصور کوي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320