کابل (پژواک، ۵ لېندۍ ۹۹): د ولسمشر ویاند وایي، دوحه کې د سولې په خبرو کې پرمختګ نه دی شوی؛ ځکه طالبان پر هغو مسایلو ټينګار کوي چې هغه د خلکو د غوښتنو خلاف دي او حکومت یې واک نه لري.
دا په داسې حال کې ده چې ځینو رسنیو قطر کې د افغانانو تر منځ د سولې په خبرو کې د پرمختګ راپورونه ورکړي او ویلي یې دي چې دواړو لوریو د سولې خبرو پر طرزالعمل هوکړه کړې، خو د سولې خبرو مرکچي پلاویو تر اوسه په دې اړه څه نه دي ویلي.
ځینو رسنیو دا هم ویلي چې ولسمشر محمد اشرف غني پر یاد طرزالعمل له هوکړې سره مخالفت کړی.
د ولسمشر ویاند صدیق صدیقي نن کابل کې په یوه خبري ناسته کي وویل چې ولسمشر مخالفت نه دی کړی او د افغانستان حکومت تل د سولې پلوی دی.
د ده په وینا، د افغانستان لپاره د جینوا په ناسته کې نړیوالې ټولنې په یوه خوله د طالبانو تاتریخوالی محکوم کړ او هېواد کې یې د جګړې پر پای ته رسولو ټینګار وکړ.
دغه دوه ورځنی کنفرانس چې د اویا هېوادونو د بهرنیو چارو وزارت او ۳۰ نړیوالو سازمانونو استازو په کې په حضوري او د کرونا ويروس له امله د ويډيو له لارې ګډون کړی و، تېره ورځ پای ته ورسېد او له افغانستان سره د راتلونکو څلورو کلونو لپاره یې د نږدې ۱۳ میلیارده امریکايي ډالرو مشروطه مرسته اعلان کړه.
د دغه کنفرانس په اعلامیه کې افغانستان کې د سولې بهیر پر بریالي کېدو ټېنګار شوی او د داسې یوې سولې غوښتنه شوې چې پراخ بنسټه وي او ښځې، ځوانان، ټول توکمونه، مذهبونه او لږکي په کې ګډون ولري.
صدیقي په دغه کنفرانس کې افغانستان کې د تاوتریخوالي کمښت ته په اشارې وویل:«موږ د طالبانو پنځه زره بندیان د تاوتریخوالي د کمښت او د سولې خبرو د پرمختګ په موخه ازاد کړل، خو دواړه موخې نه دي عملي شوي.»
هغه هيله څرګنده کړه چې طالبان د سولې په تړاو له رامنځته شوي فرصته ګټه پورته کړي.
د صدیقي په وینا، د سولې خبرو کې بندون نه دی مات شوی، ځکه طالبان پر هغو مسایلو ټينګار کوي چې هغه د خلکو د غوښتنو خلاف دي او حکومت یې واک نه لري.
دی وایي چې تراوسه د سولې په خبرو کې پرمختګ نه دی شوی او دلیل یې هم د طالبانو پلمې دي.
د یادو پلمو په اړه يې جزییات ورنه کړل، خو زیاته یې کړه چې طالبان دې حالت ته ادامه نه شي ورکولای؛ ځکه د افغانستان خلک او ټوله نړۍ افغانستان کې د جګړې پای غواړي.
له بلې خوا د بهرنیو چارو وزارت وزیر محمد حنیف اتمر نن کابل کې یوې خبري ناستې ته ویلي چې که طالبان د سولې برخه کې د افغان دولت په څېر روحیه او ژمنتیا ولري، نو دی ډاډه دی چې راتلونکو څو اوونیو کې به پرمختګ وشي.
د ده په وینا، افغان حکومت کلک هوډ لري چې دا پرمختګ وشي، او هیله لري چې طالبان هم وکولی شي همداسې یو میلان او ژمنتیا وښيي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
