امنیتي او اقتصادي ستونزې؛ د خوست رسنۍ د تړلو له ګواښ سره مخ دي

خوست کې د محلي رسنیو مسؤلین وايي، چې د اقتصادي ستونزو له کبله له جدي ګواښ سره مخ دي او که ولایتي اداره یې غم ونه خوري؛ نو په یاد ولایت کې به شته خصوصي رسنۍ وتړل شي.
د رسنیو د مسؤلینو په خبره، چې په دې ولایت کې ځينې رسنیو خپلې خپرونې د مالي ستونزو له امله راکمې کړې او نشي کولای، چې خپلو همکارانو ته معاشونه پیدا کړي.
د رسنیو مسؤلین وايي، سره له دې، چې په هر ډول ملي مسائلو کې یې ملي دریځ نیولی او له ټولو ملې ارزښتونو یې ننګه کړې؛ خو بیا هم ولایتي ادارې او اطلاعتو کلتور ریاست ورته په مالي برخه کې هیڅ پام نه دی کړی.
په ورته مهال بیا ځینې خبریالان له امنیتي تهدیداتو هم ځوریږي او وايي، چې په خوست ولایت کې ځان خوندي نه احساسوي او باید ولایتي اداره د خبریالانو امنیت ته هم جدي پاملرنه وکړي.
بله طرف بیا په یاد ولایت کې د خبریالانو د مصونیت کمیټې مسولین هم مني، چې په دې وروستیو کې په دې ولایت کې ډېری رسنیو د مالي ستونزو لا امله خپرونې راکمې کړې.
د کمیټې د مسولینو په خبره، چې که حکومت په خوست کې د رسنیو د مالي ملاتړ او د خوندي چاپیریال په ارمنځته کېدو کې مرسته ونکړي رسنۍ  او کارکونکي به یې له دې هم له ډېرو ستونزو سره مخ شي؛ خو د خوست د اطلاعاتو کلتور ریاست بیا وايي، چې هڅه کوي د رسنیو لپاره په یوه معلومه ساحه کې ځانګړی کمپیلکس جوړ کړي، چې له دې سره به د ګڼو خبریالانو امنیت هم خوندي شي.
باید یاده شي، چې اوس مهال خوست کې ۱۴ غږیزې، پینځه تصویري  او تر پینځلسو زیاتې چاپي رسنۍ فعالیت کوي.