د رسنیو د رپوټونو په حواله طالبانو د نوي دولت د تشکیلولو د هڅو په لړ کې د لومړي ځل له پاره وزیران نومولي دي. د پژواک خبري آژآنس د رپوټ پر بنسټ طالبانو د ماليې او کورنیو چارو وزیران تعین کړي دي.
د نورو هیوادونو له خوا په افغانستان کې د طالبانو د دولت په رسميت پيژندل کیدل به جدي عواقب ولري. په دې توګه به دغه ډله هغو بهرنیو مرستو ته لاسرسی پيدا کړي چې تر اوسه پورې د دغه بیوزله هیواد پخوانی حکومت ور پورې وابسته و.
د پژواک خبري آژانس د رپوټ پر بنسټ ګل آغا د مالیي وزیر او صدر ابراهیم بیا د کورنیو چارو د نوي وزیر په توګه ټاکل شوي دي. همدارنګه ملا شیرین د کابل والي او حمد الله نعماني د پلازمېنې کابل نوی ښار وال ټاکل شوی دی.
د ملي امنیت ادارې له پاره هم یو نوی رئیس ټاکل شوی دی. د دغو مقرریانو په اړه نور معلومات تر اوسه پورې نه دي رسنیز شوي. رويترز خبري آژانس چې د پژواک خبري آژانس د خبر له مخي راپور ورکړی دی ليکلي دي چي دوی په دې نه دي توانيدلي چې د دې خبر په اړه د طالبانو د کوم ویاند نظر واخلي.
د دوشنبې په ورځ لا طالبانو حاجي محمد ادریس د افغانستان د مرکزي بانک د مشر په توګه اعلان کړی. له څه باندې یوې اونۍ راهیسې د طالبانو واک ته تر رسیدو راهيسي بانکونه تړلي او ډېر دفاتر خالي دي.
د مرکزي باند مشر اجمل احمدي له کابل څخه تښتیدلی دی.
د بریتانيا لومړي وزیر بورس جانسن چې نن د سه شنبې په ورځ د G7 یا د نړۍ د پرمختللو صنفتي هیوادونو د سرمشریزې کوربه دی، د یو شمیر هیوادونو له خوا د طالبانو رژیم د په رسمیت پيژندلو په اړه خبرداری ورکړی دی. جانسن ویلي: «تر هغې اندازې چې موږ کولی شو د ټولو هم فکره اشخاصو ترمنځ د یوه واحد دریځ غوښتونکي یوو».
د نړۍ د ۷ صنعتي هیوادونو مشران د یوه ویډیوي کنفرانس له لارې د افغانستان پر وضعیت سلا مشورې کوي.
د طالبانو د رهبرۍ معتدله غړو د نوي دولت د تشکیل له پاره هڅې او مذاکرات پيل کړي دي. په دغو خبرو اترو کې د افغانستان پخوانی ولسمشر حامد کرزي هم ګډون لري. تر کرزې وروسته په ۲۰۱۴م کال کې محمد اشرف غني واک ته ورسید. غني تیره اونۍ هیواد پريښود او متحده عربي اماراتو ته ولاړ، د هغه په خپله وینا دا کار یې د وينې توېدنې د مخنيوي په خاطر کړی دی.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.