پاکستاني چارواکو د يکشنبې په ورځ وویل چې پر امنيتي ځواکونو د وسلوالو په یوه هدفي برید کې لږ تر لږه څلور پاکستاني سرتيري وژل شوي دي. دغه پيښه د شنبې په ورځ ناوخته د پاکستان په سويل لويديځ کې رامنځته شوې ده.
برید د پاکستان په سويل لويديځ په هغه علاقه کې شوې چې بلوڅ بيلتون غوښتونکي اورپکي په کې فعال دي. دوی وخت نا وخت پر امنيتي ځواکونو بریدونه کوي.
د آلمان خبري آژانس له اسلام آباد څخه لیکي چې دغه راز دوه نور سرتيرې په هرنائي ولسوالۍ کې هغه وخت ټپیان شول چې پر ګزمه بوخت ول او د موټر تر څنګ ته يې چاودنه وشوه.
د حملې مسئوليت »بلوڅ آزادي غوښتونکي پوځ« يا (BLA) چې د بیلتون غوښتونکو یوه ډله ده، منلی دی.
دا په داسې حال کې ده چې د خبرځای په وینا، د جمعې په ورځ هم د بلوچستان ایالت په آواران ولسوالۍ کې دوه پاکستاني سرتيري وژل شوي او پنځه نور ټپيان شوي ول.
دغې او نورو اسلامپاله وسلوالو ډلو په سیمه کې خپل بریدونه ډير کړي دي. له بلې خوا په افغانسان کې واک ته د طالبانو په رسيدلو سره په سرحدي علاقو کې د دغه ډول ډلو د لا تقویه کیدو اندیښنې لا زیاتې کړي دي.
بلوچستان د مساحت له مخي پاکستان تر ټولو لوی اما بې ثباته ایالت دی. دغه ایالت چې د ایران او افغانستان سره ګډې پولې لري، په منظمه توګه د اسلامپاله وسلوالو، فرقه يې او فرعي ملتپاله ياغيانو د ډلو د بریدونو شاهد وي.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.