پاکستاني طالبانو افغانستان پولې ته نژدې د پاکستاني امنيتي ځواکونو پر یوه موټر حمله کړې، څلور پوځیان او يو پولیس يې وژلي دي. دغه خبره د پاکستان پوځ تائید کړې ده.
د اسوشتید پریس خبري آژانس له اسلام آباده لیکي چې دغه برید شمالي وزیرستان ته نژدې په سپين وام سیمه کې شوې او دا چې په سيمه کې د وسلوالو پر ضد یو پوځي عملیات روان وو.
پاکستاني طالبانو په يوه اعلاميه کې د دغې حملې مسئولیت منلی دی او ویلي يې دي چې دغه کسان يې د جمعې په ورځ د یوه کمين په نتیجه کې وژلي دي، اما پوځ نه دي ويلي چې حمله څه وخت شوې ده.
د آلمان خبري آژانس هم د يکشنبې په ورځ په پاکستان کې د لږ تر لږه پنځو پاکستاني سرتیرو د وژل کیدو خبر ورکړی، خو وايي چې دغه پوځيان د شنبې په ورځ وژل شوي دي. دا په داسې حال کې چې تر دې يوه ورځ مخکې د جمعې په ورځ د پاکستان صدراعظم، عمران خان ويلي وو چې حکومت يې د پاکستاني طالبانو سره پر خبرو اترو بوخت دی. خو لا روښانه نه ده چې آیا دواړه پيښې جلا جلا دي که یوه ده.
پاکستاني طالبان چې په TTP یا تحریک طالبان پاکستان باندې یاديږي، افغانستان پولې ته نژدې قبايلي سیمو کې فعال دي او د پاکستان پوځ او پولیسو باندې بریدونه کوي.
شمالي وزيرستان او نورې قبايلي سیمې يو وخت د وسلوالو ډلو له پاره يو امن ځای ګڼل کيده. د پاکستان حکومت د دې له پاره چې دغه سیمې يې د وسلوالو له شتونه پاکې کړې وي په وروستیو کلونو کې هلته ډير چاڼيز عملیات ترسره کړي، خو له دې ټولو سره سره، هلته وسلوال لا هم فعال دي چې د پوځ او پولیسو ضد خونړي بریدونه کوي.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.