په آلمان کې د پناه غوښتنو عمومي شمېر هم ډېر شوی دی. د کډوالۍ د ادارې په حواله يې شمېر اوس د کرونا څخه د مخه سطحې ته رسېدلی دی.
د آلمان د مهاجرت او کډوالۍ اداره (بامف) وايي چې د سپتمبر مياشتې تر پايه پورې يې د پناه ټول ټول سل زره او ۲۷۸ غوښتنليکونه تر لاسه کړي دي. دا د تېر کال د عين وخت په پرتله ۳۵،۲ سلنه ډېرې د پناه غوښتنې عريضې دي. شمېر يې تر اوسه د کرونا د پانديمۍ له کبله، د سرحدونو د تړل کېدو او د پروازونو د کمېدو له امله راټيټ شوی وو.
د ۲۰۱۶ تر ۲۰۲۰ کاله پورې په آلمان کې د پناه غوښتنې عريضې وار په وار پسې راکمې شوې وې. دغه نوي ارقام لومړی د »وېلټ آم زونتاګ« ورځپاڼې خپاره کړي وو. په اول ځل د پناه د غوښتنې د ورکوونکو په ډله کې تقريبا ۱۹،۵ سلنه ماشومان هم راځي چې عمرونه يې تر يوه يوه کال ټيټ او کوم چې په آلمان کې زېږېدلي دي.
د تعقيبي يا ورپسې عريضو شمېر د کډوالۍ د ادارې په حواله ۱۶۲ سلنه لوړ شوی او ۳۱ زره ۴۵۴ ته رسيږي. په دې سره ټول ټال دغې ادارې له جنورۍ تر سپتمبر مياشتې پورې ۱۳۱ زره ۷۳۲ د پناه غوښتنې عريضې تر لاسه کړي دي چې ۵۲،۹ سلنه زياتوالی په کې راغلی دی.
د آلمان د مهاجرت او کډوالو اداره
تر ټولو زيات پناه غوښتنونکي کډوال چې په لومړي ځل يې د پناه عريضه ورکړې ده، سږ کال هم له سوريې، عراق او افغانستان څخه راځي. په دې ترڅ کې ۴۰ زره ۴۷۲ لومړني درخواستونه د سوريایانو دي چې ۵۷،۱ سلنه زياتوالی ښيي، ۸۵۳۱ له عراق څخه دي چې ۲۲،۲ سلنه زياتوالی پکې راغلی دی. خو تر ټولو څرګند ډېروالی د افغانانو په غوښتنليکونو کې ليدل کيږي چې د سپتمبر مياشتې تر پايه پورې ۱۵ زره ۴۵ لومړني درخواستونه دي چې ۱۳۸ سلنه ډېروالی پکې راغلی دی.
په افغانسان کې په اګست مياشت کې تندلارو طالبانو قدرت نيولی دی، خو پخوا هم وضعيت ترينګلی وو. په ۲۰۲۰ کال کې د کډوالۍ فدرالي ادارې د افغانانو ۹۹۰۱ غوښتنليکونه تر لاسه کړي وو. خو دا د ۲۰۱۶ کال په تناسب بيا هم لږ دي چې په هغه کال کې د آلمان د کډوالۍ ادارې د ارقامو له مخې پکې د افغانانو له خوا د ورسپارل شويو غوښتنليکونو شمېر ۱۲۷ زرو ته رسېدلی وو.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.