کابل (ویدا قلندري- پژواک، ۳۱ چنګاښ ۱۴۰۳): د ازموینو ملي ادارې نن د ۱۴۰۳ کال د کانکور ازموینې پایلې اعلان کړې او ویې ویل چې د ښوونځیو له فارغانو اتل خان او له دیني مدرسو څخه زینالله یوسفي لومړي مقامونه ترلاسه کړي دي.
د کانکور ازموینې پایلې نن د ازموینو ملي ادارې له خوا په کابل کې د حکومت د اطلاعاتو او رسنیو په مرکز کې اعلان شوې.
چارواکي وایي، سږ کال د کانکور ازموینه په پنځو پړاوونو کې واخیستل شوه او په دې ازموینه کې ۱۰۰ زره کسانو ګډون کړی و.
د ازموینو ملي ادارې د معلوماتو له مخې، له کابل ولایت څخه اتل خان د ۳۵۹.۶۱ نومرو په اخیستو لومړی مقام، له بلخ څخه سیدحامد هاشمي د ۳۵۷.۷۱ نومرو په اخیستو دویم مقام، له فراه څخه شفیعالله نظامي د ۳۵۷.۲۵ نومرو په اخیستو درېیم مقام، له لغمان څخه ارشاد احمد څلورم مقام او له هرات څخه صفيالله مهاجر د ۳۵۵.۹۲ نومرو په تر لاسه کولو سره پنځم مقام خپل کړی دی.
سرچینه زیاتوي چې زینالله یوسفي له کابل څخه د ۳۱۵ نومرو په اخیستلو سره د دینې مدرسو په ازموینه کې لومړی مقام ګټلی دی.
د ریاستالوزراء اداري مرستیال مولوي عبدالسلام حنفي د کانکور ازموینې د پایلو د اعلان په ناسته کې وویل، هغو ځوانانو چې تېر کال کې یې شپه او ورځ پر ځان یوه کړې وه، درسونه یې ویلي او زیار یې ګاللی، نن به ښې پایلې تر لاسه کړي.
هغه زیاتوي: «هغه ځوانان دې هم نه ناهیلي کېږي چې ښې پایلې یې نه دي ترلاسه کړي، بلکې د راتلونکي کانکور لپاره دې ښه چمتووالي ونیسي، انشاءالله چې ښې پایلې به ترلاسه کړي.»
د لوړو زدهکړو سرپرست وزیر ندامحمد ندیم په یاده ناسته کې وویل چې سږ کال د تېر کال په پرتله د بریاليو کسانو شمېر زیات دی.
ندیم نوو بریالي شوو زدهکړیالانو ته په پوهنتونونو کې د هر ډول اسانتیاوو برابرولو ډاډ ورکړ.
ده زیاته کړه: «د خوشالۍ ځای دی چې د پرمختګونو په دوام، د یوه داسې پرمختګ شاهدان یو چې د افغانستان د روښانه راتلونکي زېری له ځان سره لري.»
د کډوالو او بېرته راستنېدونکو چارو وزارت سرپرست خلیلالرحمن حقاني هم په دغه ناست کې وویل، محصلینو ته باید بشپړه پاملرنه وشي څو په یوه ښه او سالم فکر وروزل شي او خپلو خلکو او هېواد ته د خدمت مصدر وګرځي.
د اطلاعاتو او فرهنګ وزارت مالي او اداري مرستیال، مولوي قدرتالله جمال په یاده غونډه کې له محصلینو وغوښتل چې خپل قیمتي وخت په ښه ډول مدیریت کړي او له ورکړل شوي فرصت څخه اعظمي ګټه پورته کړي، څو په راتلونکي کې د هېواد او ولس خدمتګاران شي.
ده د ښوونځیو له استادانو هم وغوښتل چې خپل زدهکوونکي داسې وروزي چې د دنیا او اخرت دواړو خیر یې په کې وي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.