پاکستاني چارواکي وايي چې د باجوړ سیمې د راغان د اوبو بند په ساحه کې د سړک غاړې په یوه چاودنه کې لږ تر لږه د پولیسو دوه سرتیري وژل شوي دي. په کویټه کې بیا بلې چاودنې هم څلور تنه ټپیان کړي دي.
د شنبې په ورځ (د ۲۰۲۱م کال د نومبر میاشتې پر ۱۳مه) پاکستاني چارواکو وویل چې د باجوړ د راغان د اوبو بند په سیمه کې پر پولیسو د سړک غاړې ماین چاودنه شوې چې له کبله یې دوه تنه پولیس سرتیري وژل شوي دي. د باجوړ د پولیسو مشر عبدالصمد خان د یادې پیښې په هکله وویل چې د پولیسو دغه دوه تنه افسران د راغان د اوبو بند په سیمه کې پر امنیتي دنده موظف وو چې د نامعلومو کسانو له لوري ورباندې د سړک غاړې بم چاودنه شوې ده. د دغه پولیس چارواکي په خبره، په پیښه کې د پولیسو دواړه افسران وژل شوي او دا چې د یادې پیښې په تړاو یې پلټنې پیل کړي دي.
تر اوسه پورې کومې ډلې د دغه برید مسوولیت منلی نه دی. د پاکستان د خیبرپښتونخوا په باجوړ او نورو سیمو کې د پاکستاني طالبانو ډله فعاله ده او وخت ناوخت پر پاکستاني امنیتي اهدافو بریدونه کوي. دغه سیمه تر ډیره پورې د ټي ټي پي یا پاکستاني طالبانو یو له مهمو پټنځایونو شمیر کیده خو د پاکستان د پوځ له لوري د پوځي عملیاتو په نتیجه کې دغه سیمه د پاکستاني طالبانو له حضوره پاکه شوه.
په افغانستان کې د طالبانو تر واک ته رسیدو وروسته، پاکستاني طالبان هم پیاوړي شوي دي او په دې وروستیو کې یې په پاکستان کې خپلو بریدونو ته شدت ورکړی دی. بل لوري ته دغه ترهګره ډله په دې وروستیو کې له پاکستان سره پر خبرو بوخته وه او د ځینو راپورونو په اساس د پاکستان حکومت او د پاکستاني طالبانو ترمنځ پر یوه میاشتیني اوربند هم توافق شوی دی.
د پاکستان په کویټه ښار کې هم پر پاکستاني امنیتي سرتیرو د برید خبر ورکړل شوی دی. همدا نن د شنبې په ورځ د کویټې ښار په یوه مارکیټ کې په یوه موټر سایکل کې په لاس جوړ شوي یوه ماین چاودنه کړې چې له کبله یې لږ تر لږه پنځه تنه ټپیان شوي دي.
د دې سیمې د پولیسو یوه چارواکي عصمت الله د یادې پیښې په هکله وویل چې په ټپي شویو کسانو کې یوه نجلۍ او د پولیسو یو افسر هم شامل دي. د دغه پولیس چارواکي په خبره، په پیښه کې د ټپي شوې کوچنۍ نجلې روغتیايي وضعیت ترينګلی دی او دا چې د مور وضعیت یې ښه دی. تر اوسه پورې د دغه برید مسئولیت هم چا پر غاړه نه دی اخیستی.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.