د مهاجرو په چارو کې د ملګرو ملتونو سازمان عالي کمشنرۍ (UNHCR) په حواله له افغانستان څخه وتل مخ په زیاتیدونکي ډول له خطرونو سره مل وي. واک ته د طالبانو له رسیدو راهیسي ډیری افغانان په تیره بیا ایران او پاکستان ته تښتي.
نوموړي سازمان د چارشنبې په ورځ په کابل کي وویل چې له سرحد څخه گاونډیو هیوادونو پاکستان او ایران ته اوښتل یوازي د قانوني ویزې په لرلو سره امکان لري. په دې منځ کې له تاجکستان او ازبکستان سره هم سرحدونه تړلي دي. له دې کبله هغو پناه غوښتونکو ته چې غواړي افغانستان پریږدي، سخت خطر متوجه دی. په ځینو مواردو کي یې حتی ژوند هم په خطر کې وي.
د اگست په نیمایي کې قدرت ته د طالبانو تر رسیدو وروسته په زرونو کسان هڅه کوي پرته له قانوني ویزې او یا هم پاسپورت څخه گاونډیو هیوادونو ته ولاړ سي.
ډیری کسان د طالبانو له خوا له غچ اخیستلو څخه په بیره کي دي. د مهاجرو په چارو کې د ملګرو ملتونو سازمان عالي کمشنرۍ (UNHCR) په حواله ډیریو هغو افغانانو چې په قاچاقي ډول ایران ته تللي، له سختو فشارونو، وهلو او یا هم شکنجو څخه رپوټونه ورکړي دي. په تیره بیا ښځي او نجوني له سختو گواښونو سره مخامخي دي.
د نوموړي سازمان په حواله په حقیقت کي په نړیواله سطحه ډیری انسانان چې تیښتي ته اړ سوي، د سفر کولو لازم اسناد نه لري. ټول هیوادونه دا حق لري چي خپل سرحدونه تنظیم کړي، خو د هغو کسانو له پاره چې ژوند یې په خطر کې وي، باید استثناوي په نظر کي ونیسي.
په رسمي ډول د هغو افغانانو دقیق شمیر نه دی معلوم چې واک ته د طالبانو تر رسیدو راهیسي یې خپل ټاټوبی پرې ایښی دی.د هغوی ډیره برخه ښایي ایران ته تښتیدلې وي.
د مهاجرو په چارو کې د ملګرو ملتونو سازمان عالي کمشنرۍ (UNHCR) په حواله، چارواکو په غیر رسمي ډول څرگنده کړې چي د روان کال له پیل راهیسي ایران ته د نوو راغلو مهاجرو شمیر د ۱۰۰ زرو څخه تر ۳۰۰ زرو پوري رسیږي. په پاکستان کي بیا د اگست له نيمايي راهیسي شاوخوا ۳۵ زره نوو راغلو افغانانو د مهاجرو په چارو کې د ملګرو ملتونو سازمان عالي کمشنرۍ ته مراجعه کړې ده.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.