د افغانستان بانک اعلان وکړ چې له دغه هیواد سره د بشري مرستو په ادامه يې ۱۶ میليونه ډالر ترلاسه کړي دي. دغه بانک وايي چې یادې پيسې د کابل له هوايي ډګر څخه د افغانستان بانک ته انتقال شوي دي.
د افغانستان بانک، تائيد کړه چې د بشري مرستو په ادامې د چهارشنبې په ورځ (د دسمبر ۲مه) ۱۶ میلیونه ډالر افغانستان ته ورسيدل او دغه بانک ته وسپارل شول.
د افغانستان بانک پر خپلې ټويټر پاڼې ليکلي دي چې دغه پيسې د کابل له هوايي ډګر څخه د افغانستان نړيوال بانک ته انتقال شوي دي.
د دغه بانک د معلوماتو له مخې، په افغانستان کې د ملګرو ملتونو سازمان سياسي دفتر »يوناما« په دغه هیواد کې پر اړمنو خلکو د دغو نغدي او بشري مرستو د ویشلو مسئوليت لري.
د افغانستان بانک د اعلاميې په يوه برخه کې راغلي دي چې دغه بانک هڅه کوي چې له مختلفو او اصولي لارو څخه په کار اخیستنې، له فقر او بي وزلۍ مخنیوی وکړي. یاد بانک دغه راز خلکو ته ډاډ ورکړی چې د دغه هیواد بانکي سیستم به ډير ژر خپل عادی حالت ته راوګرځول شي.
د ملګرو ملتونو سازمان د چهارشنبې په ورځ د افغانستان خلکو له پاره د نغدي مرستو د یو ۳۰۰ میليون ډالري پروګرام اعلان وکړ.
دغه مرستې ماشومانو درولودنکو کورنيو، د پاخه عمر خاوندانو او یا هم معلولیت لرونکو افرادو ته د فقر د مخ په ډيريدونکي وضعیت د مخنيوي په موخه ورکول کيږي.
دغه پیسې داسې وخت افغانستان ته رسيدلي چې دغه هیواد له شدید بشري بحران له خطر سره مخ دی.
په افغانستان کې واک ته د طالبانو په رسیدلو او د دغه هیواد شتمنیو په کنګل کیدو سره بیکاري او اقتصادي ستونزې ډيرې شوي او نړيوالې ټولنې له بشري ناورين څخه خبرداری ورکړی دی.
د ملګرو ملتونو د خوړو سازمان وړاندوينه کړې چې ښايي په افغانستان کې فقر د راتلونکي میلادی کال تر نیمايي پورې عمومي شي چې د افغانستان د شاوخوا ۳۹ ميلیونه نفوس له ۹۰ سلنې څخه ډيره برخه متاثره کړي. دغه سازمان همدارنګه ويلي دي چې په افغانستان کې په میلیونه انسانان د غذايي کمښت له ستونزې سره مخ دي.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.