واک ته د طالبانو تر رسیدو شپږ میاشتې وروسته په افغانستان کې بشري وضعیت سخت خراب شوی دی. د بشري مرسته کوونکو په وینا په میلیونو انسانانو خپل کارونه له لاسه ورکړي او له سختو ستونزو سره لاس او ګریوان دي.
د پاملرنې نړیوال سازمان «کییر انترنیشنل» د سه شنبې په ورځ د آلمان په بن ښار کې د خپل رپوټ د وړاندې کولو پر مهال وویل چې په میلیونو افغانان بې روزګاره شوي او د نورو راتلونکو میاشتو له پاره کومه ذخیره هم نه لري. د دغه سازمان په وینا د افغانستان تر نیمایي زیات وګړي له سختې لوږې سره مخامخ دي.
په آلمان کې د دغه سازمان مشر کارل اوتو څینتل ویلي دي: «موږ له نړیوالې ټولنې غواړو چې د افغانستان له کړاو سره د مخامخو کسانو ملاتړ غښتلی کړي.» د هغه په خبره د ښځو او نجونو سره دې مرستې زیاته شي چې له دغه وضعیته تر ټولو زیاتې اغیزمنې شوي دي.
نوموړې ویلي دي چې د مرستو له پاره اړین استثنایي مقررات باید تائید شي، څو اوسني بندیزونه له دې وروسته د مرستندویه توکو رسول او د بشري مرستو نور ستر پروګرامونه اغیزمن نه کړي. هغه یادونه کړې چې له دغو مرستو سره د خلکو ژوند تړلی دی.
په عین وخت کې د یاد سازمان په وینا په افغانستان کې د اساسي خوراکي توکو بیې په تیرو میاشتو کې دوه برابره لوړې شوي دي او د خلکو ورځنی ژوند یې ډېر سخت کړی دی. زیاته شوې ده چې شپږ میاشتې مخکې د پنځه کیلو کچالو بیه ۱۱۰ افغانۍ وه چې اوس یې به ۲۷۰ افغانیو ته رسیدلې ده. همداشان ډېر خلک اړ شوي دي چې د خپلو کورونو آخري لوازم هم وپلوري، څو د ورځې یو وخت خواړه برابر کړی شي.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.