د يوې نړيوالې څېړنې نتيجه ښيي چې د وبا په لومړي ۱۸ مياشتو کې په ټوله نړۍ کې ۵ ميليون او ۲۰۰ زرو ماشومانو خپل پلار، مور او يا نزدې خپلوان له لاسه ورکړي دي.
د مور او پلار څخه د يوه يا دواړو ناڅاپي مړينه يا د آنا او نيکه او يا د کورنۍ د نورو نزدې غړيو نه شتون د عمر تر پايه د ماشوم په ذهن کې پاتيږي او رواني اغیز پرې لري.
د نړيوالو څېړنو پايله ښيي چې د کرونا وبا په لومړيو ۱۸ مياشتو يا يو نيم کال کې لږ تر لږه ۵ میليونه ماشومان او تنکي ځوانان د يو نه ډول محروميت سره مخ شي او زياترو یې خپل پلرونه له لاسه ورکړي دي.
د دې څېړنې ليکونکي ټینګار کړی دی چې د هغو ماشومانو د روزنې او پالنې او مرستې زمينه بايد برابر شي چې خپل سرپرست او يا کورنۍ یې له لاسه ورکړې ده.
د دې څېړنې له پاره نړيوالو محقيقينو د نړۍ له بېلا بېلو پوهنتونو څخه د کرونا له کبله د مړينو او همدا راز د کرونا څخه تر مخه ارقامو ترمنځ د تفاوت د معلومولو له پاره د هيوادونو رسمي ارقام ترلاسه کړي دي. دا شميرې ښيي چې په منځنۍ کچه د کرونا د هرې مړينې له کبله د يوه څخه ډېرو ماشومانو خپل پلار او يا خپل قانوني سرپرست له لاسه ورکړی دی.
د څېړنې په حواله هر دريم تنکي ځوان چې پلار او يا خپل سرپرست یې د کرونا له کبله له لاسه ورکړی دی، د ۱۰ تر ۱۷ کلونو ترمنځ عمر لري. همد راز شمېرې ښيي چې د مېندو په پرتله ډېر پلرونه د کرونا له کبله مړه شوي دي.
په دې څېړنه کې د آناګانو او نيکونو يا نورو خپلوانو د مړينې شمېرې هم په نظر کې نيول شوي دي چې له ماشومانو سره يې په يوه کور کې ژوند کاوه يا ماشومانو د هغوی تر سرپرستۍ لاندې ژوند کاوه.
د دې څېړنې نتایج د Lancet Child Adolescent Health په نوم تخصصي مجله کې خپاره شوي دي.
د دې څېړنې له پاره د ۲۰۲۰م کال د مارچ میاشت څخه د ۲۰۲۱ م کال تر اکتوبر مياشتې پورې شمیرې چې ۱۸ مياشتې کیږي، په نظر کې نيول شوي دي. خو څه چې د اندېښنې وړ بلل شوي، دا دي چې د کرونا د مړينو اصلي شمیر تر رسمي شمېر لوړ دی چې له دې کبله د هغو ماشومانو شمېر چې د کرونا له کبله بې کسه شوي دي، نور هم ښايي زيات وي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.