د هلمند ځيني بزګران وایې چې د طالبانو له راتګ سره سم یې سږکال پریمانه کوکنار کرلي دي. دوی وايي د کوکنارو د مخنیوي په اړه تراوسه چا څه نه دي ورته ویلي خو طالبانو بیا يلي دي چي د بديل کښت په موندلو سره به کوکنار منع کړي.
د افغانستان په ځينو ولايتونو کي حتی هغو بزګرانو چي په تيرو څو کلونو کي يې کوکنار نه ول کرلي يا د پخواني حکومت له خوا تري منع سوي ول، سږکال يې کوکنار کرلي دي.
د هلمند ولایت د نادعلي ولسوالۍ اوسیدونکي محمد ګل چي په تیرو دریو کلونو کي يې پخواني حکومت د کوکنارو د له منځه وړلو د کمپاين پرمهال مځکي ور شاړي کړي وې، سږکال یې په پراخه پيمانه کوکنار کرلې دي.
نوموړي دویچه ویله ته په تلیفوني اړيکه کي وويل: «زما کوکنار په تیر حکومت کي درې ځلې خراب کړل سول. هرځلې به کمپاین زما ځمکې ته راوتلې وو سږکال مې ښه سم کوکنار کرلي دي، کښت یې هم ښه سم دی بارانونه هم سوي دی.»
د کندهار او روزګان ولایتونو بزګران هم وایې چي سږکال یې کوکنار کرلي، او تراوسه طالبانو څه نه دي ورته ويلي.
دغه کرونده ګر وایې د کوکنارو کرکیلې ته یې ځکه مخه کړې ده چې نور کښتونه د دوی مصارف نسې پوره کولای.
د قدرت الله په نوم يو بزګر وايي: «کوکنار بیخې ډیر کرل سوي دي، خلک مجبوره دي نو څه وکړي. نور هرڅه په نیمه بیه پلورل کیږي.»
خو په افغانستان کې د طالبانو د حکومت ویاند او د اطلاعاتو او کلتور وزارت معین ذبیح الله مجاهد وایې چې دوی د کوکنارو د کرکیلې له پاره د بدیلو کښتونو پر لارو چارو غور کوي.
مجاهد وايي: «د کوکنارو د کښت په اړه باید ووایو چې موږ دهقانانو ته د بدیلو کښتونو پر لارو چارو بوخت یوو او له نړیوالو سره هم خبري کوو ترڅو پوري یوې حل لاري ته و رسیږو او وروسته د دې کښتونو مخه ونیسو.»
د ملګرو ملتونو د راپور له مخي د نړۍ ۹۰ سلنه تارياک په افغانستان کي توليديږي چي يوازي تير ميلادي کال ۶۸۰۰ ټنه تارياک ترلاسه سوي چي له ۱،۸ تر ۲،۷ ميليارده ډالرو پوري ارزښت لري.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.