طالبانو په هلمند کي ۲۰ کسان په عام محضر کي په دورو وهلي

دوی ويلي دي چي یادو۲۰ کسانو ته د پنځه ۳۵ څخه تر ۳۹ پوري د دورو وهلو شرعي تعزیري سزاګانې ورکړل سوې دي.

د هلمند یو اوسېدونکی چي خپل نوم عبدالله معرفي کړی، دویچه ویله ته وویل: »طالبانو په لښکرګاه ښار کې زرګونه کسان په کرزي لوبغالې کې راټول کړل او وروسته یې ۲۰ کسان راویستل او هغوی یې په دورو ووهل.«

له بل لوري په هلمند کې د طالبانو اداري له لوري په یوه خپاره سوي ږغیږ پیغام کې چې د رسنیو له لوری هم خپورسوی، خلکو ته ویل سوی چې د سزاګانو د ورکړي پرمهال باید ټول خلک کرزی لوبغالې ته ورسې.

دوی په دې پیغام کې خلکو ته ویلي ول چي له خپلو ځانونو سره به مبایل تلیفونونه نه راوړي او که له کوم کس څخه ونیول سې هغوي ته به سخته سزا ورکړي.

له تیرو دوو میاشتو راهیسې طالبانو د افغانستان په ځينو ولایتونو کې د بیلابیلو جرمونو په تور ځينو کسانو ته چې ښځي هم پکې شامل دي تعزیري سزاوي ورکړي دي.

د تيرکال په اګست مياشت کي چي طالبان بيا پر افغانستان واکمن سول، ويل يې چي د خپلي لومړی دورې په شان به عمل و نه کړي، خو اوس داسي ښکاري چي دوی دي خپلي ژمني ماتي کړي وي.

د بشري حقونو نړیوالو سازمانونو او ځينو بنسټونو د طالبانو له خوا په عام محضر کې د ښځو او نارینه وو په دورو وهلو ته سخت غبرګونونه هم ښودلي دي.

—————————————————————————————————–