د پکتیا تاریخي بلاحصار د ورانېدو له خطر سره مخ دی

دغه بلاحصار چې د پکتیا مرکز ګردېز کې قرار لري، د پکتیا تر ټولو لوړه او ستره تاریخي سیمه او ودانۍ ده.

د پکتیا مرکز ګردېز بلاحصار د ښار ختیځ ته په څلوېښت متره لوړه غونډۍ پروت دی، چې اوږدوالی یې ۱۵۰ متره او پلنوالی یې پنځوس متره ښودل کیږي.

د دغه بلاحصار په اړه د سیمې اوسېدونکي وایې، چې سلګونه کاله پرې تېر شوي او په خپل وخت کې واکمنو د یوه سنګر په ټوګه ورڅخه کار اخیست.

په پکتیا ولایت کې یو تن خبریال نجیب الله رازمل وایې، که مسؤل چارواکي د دغه تاریخي ابدې د بېرته رغولو لپاره توجو ونه کړي ښایي دغه تاریخي بلاحصار زمونږ له لاسه ووځي.

نوموړی وایې،” چې له طالبانو له حکومت څخه مو هیله ده چې دغه تاریخې ځای ته پوره پاملرنه وکړي ترڅو له ورانیدو څخه وژغورل شي.”

خو بل لوري ته د پکتیا ولایت د اطلاعات او فرهنګ رئیس مولوي خالقیار احمدزی وایې” د بالاحصار ځینې برخې رښتیا هم د نړیدو له ګواش سره مخ دي، مونږ یې په هکله له مرکزي چارواکو او بهرنیانو سره خبرې کړې او ترې غوښتي مو دي، څو یې د بیارغونې لپاره اړین تصامیم ونیسو.”

دغه ډول تاریځي سیمې په افغانستان کې په زیاته کچه شتون لري، چې په خوندي ساتلو سره یې زمونږ د پیړیو پیړیو تاریخي پکې ساتل کیږي. خو تراوسه څه ډول چې مهمه ده، هغه ډول توجو ورته په افغانستان کې حکومتونو نه ده کړي.

دغه پوښتنه به وخت ته پریږدو چې آیا د طالبانو حکومت به د دغه بلاحصار او ورته نورو تاریخي سیمو بېرته رغولو ته پر وخت سره رسیده ګي وکړی شئ او کنه؟.

راپور: شفیق الله مشال