د بدخشان ولايت د شورابک برېښنا بند پنځلس زره کورنیو ته د برېښنا د ورکړې ظرفیت لري، خو څه باندې یو کال کیږي چې پرانيستل يې ځنډول شوي دي. د طالبانو د اوبو او برېښنا وزارت څه وایي؟
![Afganistan der Shorabak Damm Afganistan der Shorabak Damm](https://static.dw.com/image/61488980_303.jpeg)
د دې بند چارې تېر کال بشپړې شوې دي خو د امنیتي حالت خرابیدو او د پخواني حکومت تر سقوط وروسته تر اوسه د دې بند پرانیستي ځنډيدلې او غیرې فعال دی.
د بدخشان اوسیدونکي د شورابک بند جوړیدو ته خوشال ول او هیله یې لرله چې په فیض آباد کې به د خلکو کورونه په برېښنا روښانه شي، خو وایي، په بیا بیا غوښتنه یې تر اوسه دا هیله نه ده پوره شوې.
د بدخشان ولایت یوه اوسیدونکي عبدالبیان غفوري دویچه ویله ته وویل، د برېښنا نه شتون له امله له ډېرو ستوونزو سره مخ دي: «موږ برېښنا نه لرو، موږ هیله لرله چې له شورابک جوړیدو سره به زموږ د برېښنا ستوونزه حل شي، خو داسې ونه شول.«
د بدخشان یو بل اوسیدونکی ذکریا هم وایي، په فيض آباد کې د خلکو یوه ستره ستوونزه د برېښنا نه شتون دی او ډېري کورنۍ په تیاره کې شپې تیروي. نوموړي دویچه ویله ته وویل: «دا زموږ ارمان دی، چې شورابک فعال او برېښنا راشي. د چا چې اقتصاد ښه وي او توان ولري، سولر یې لګولي او څوګ چې غریبان دي په تیاره کې تیروي.»
د اوبو او برېښنا وزارت مسؤلین هم وایي، چې د شورابک چارې بشپړې دي او دوی یې په نږدې راتلونکي کې د فعالولو له پاره هڅې کوي.
د دغه وزارت له پاره د طالبانو ویاند مولوي اخترمحمد نصرت دویچه ویله ته وویل، تېر کال د دې بند چارې بشپړې شوې وې، خو له دې امله ګټې اخیستنې ته نه دی سپارل شوی، چې اشرف غني غوښتل پخپله یې پرانیسته وکړي، خو د هغه نه ورتګ دا پروژه همداسې پاتې ده.
نوموړی وایي، د اوبو او برېښنا وزارت یې د شورابک بند په کوچنیو نیمګړتیاو کار کوي او نږدې راتلونکي کې به دا لویه پروژه پرانیزي او فعالیت به پیل کړي.
هغه وویل: «رښتیا هم تېر کال د شورابک بند کارونه خلاص شوي وو، اشرف غني غوښتل پرانیسته یې وکړي، خو نه يې وکړ.اوس طالبان دا کوښښ کوي چې دا بند فعال کړي.»
د اوبو او برېښنا وزارت ویاند اخترمحمد نصرت زیاتوي، شورابک بند ۳ تربینونه لري، چې له هر تربین څخه یې ۲،۸ میګاواټه برېښنا تولیدیږي چې په مجموعې توګه شورابک بند د ۷،۱۴ میګاواټه برېښنا تولید وړتیا لري.
نصرت وایي: «دا واقعیت دی چې اوس برېښنا نشته او خلک ستونزي لري. یوه ستوونزه دا ده چې خلک د تعرفې کمیدل غواړي او که کمه یې کړو بیا مصارف نه پوره کوي. اوس یې په هواري اخته او ژر به شورابک بند فعال کړو.»
د شورابک برېښنا بند د فيض آباد ښار په ۷ کیلومترۍ کې موقعیت لري چې د آلمان فدرالي دولت له لوري د ۴۵ میلیونه يورو په لګښت یې په ۲۰۱۵م کال کې د جوړیدو چارې پیل شوې او په۲۰۲۰م کال کې بشپړیدی، خو د کرونا له امله یې ساختماني کارونه ټکني شول او په ۲۰۲۱م کال کې د دې بند چارې بشپړې شوې.
ویل کیږي په فيض آباد کې څه باندې شل زره کورنۍ اوسیږي او د مسؤلینو په وینا د شورابک بند فعالیدو سره به نږدې ۱۵ زرو کورنیو ته برېښنا ورسیږي.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.