لوبه او د جان ماري بروم انتقاد

 کيداى شي چې موږ پدې پو هم نشو چې زموږ ذهنونه د لوبو په وسيله ګنټروليږي، ماري بروم که څه هم دڅېړنې اصلي محور فوټبال ده ،خو کولى شو ټولې لوبې له دغه نظره وګورو .

ماري بروم ، لوبې ته په انتقادي نظر ګوري او لوبه ورته د وګړو د غولولو او غافل کولو پدېده ښکاري .لوبه د مسموميت وسيله بولي ، لوبه کولى شي وګړي په ځان پورې وتړي او له خپلو اهدافو څخه يې غافل کړي.

وايي،لوبه يوازې ننداره نه ده ، د نندارې ور اخوا بل شکل هم  لري ،موږ ته د لوبو اصلي څېره نښکاري ، د لوبو اصلي څيره خشونت ،تاوتريخوالى ،تشدد ،بې عدالتي ،کاذبه خوشحالي ،او غفلت ده ، لوبې د وګړو د بې لارې کولو يا غفلت کې ساتلو او د خپلو مسوليتونو څخه د تېښتې بهترنې وسيلې دي.

نوموړى وايي هغه څوک چې په ميدانونو کې چيغې او شعارونه ورکوي ، دغه د ديموکراسۍ نښه نه ده بلکې د يو بد تعصب نښه ده، هغه ارزښتونه چې بشري حقوق پرې تمركز کوي، او وايي غواړو دغه ارزښتونه ترلاسه کړو دا د هغو ارزښتونو نښه نه ده ،بلکې د يوې مديريت شوې او جوړې شوې نقشې نښه ده ، چې انسانان ددې په ځاى چې سالم او نارمل حالت ته راولي ،غير نارمل  ډول سره احساساتي، او اړخ ته کوي. لوبه يو ډول خوند انتقالوي او همدا خوند کولى شي ،هغه څوک چې ځان مسئوول بولي او د مسئوولو انسانانو لورى بدل کړي .