د مهاجرو پلوي سازمان (پروازول) د اوکراين جګړې ته په کتو سره ویلي دي چې په افغانستان کې د پخواني حکومت او لویديځ د بېلا بېلو ټولنو همکاران او د هغوی کورنۍ بايد هېرې نه شي. ويل شوې ده چې د دغو انسانانو «ژوند په خطر» کې دی.
د پروازول ټولنې د حقوقي برخې کارپوهې ويبکه يودت د جون پر لومړۍ نیټه د آلمان په ورڅبورګ کې د کورنيو چارو د فدرالي او ايالتي وزيرانو د جوړيدونکې غونډې په درشل کې وويل چې هغه کسان چې واک ته د طالبانو تر رسېدو د مخه یې له پخواني حکومت سره او يا یې هم د لویديځ د بېلا بېلو ټولنو سره همکاري کړې اوس یې هم «ډېر شمير لا په هېواد کې پاته دي او ژوند یې په خطر کې دی.»
نوموړي د سيمه ایزو همکارانو د روانو پروسو په برخه کې د ژر تر ژره اصلاحاتو د پلي کولو او همد راز د دغو کسانو د منلو د فدرالي او ايالتي پروګرام غوښتنه وکړه. يودت وويل چې د کډوالو د منلو هغه مقررات دې «ژر تر ژره او په پراخه کچه عملي کړل شي» چې د آلمان د سوسيال ډيموکرات، زرغون او لیبرال ګوند په ائتلافي تړون کې اعلان شوي ول.
دغه وکيلې وويل چې د مثال په توګه د «دولودونګ» يا موقتي ویزو لرونکي ډېر کډوال د دې غير ډاډمن حالت له کبله «تل د اخراجيدو له خطر» د ويرې تر سيوري لاندې ژوند کوي.
يودت ټينګار وکړ چې دا په داسې حال کې ده چې ډېر اغیزمن کسان «د وړاندوينې وړ مودې په ترڅ کې خپل اصلي هېواد ته نه شي ستنېدلی.»
هغه وويل: «په ائتلافي تړون کې ذکر شوی[په آلمان کې] د پاتېدو حق به ډېرو انسانانو ته نوی ليدل لوري ورکړي.»
وېبکه يودت د دې هرکلی وکړ چې له اوکراين څخه د را تښتيدلو خلکو له پاره «چټک مقررات» پلي کيږي چې هغوی ته «په چټکه توګه محافظت، ټولنیزو خدماتو او همداراز د کار په بازار کې بشپړ لاسرسی ممکن کوي.»
خو هغې زياته کړه چې ستومزمنه خبره پکې داده چې دا ډول «معنا دار تدابير پر ټولو هغو کسانو نه پلي کيږي چې د پناه په لټه کې دي». هغې ټینګار وکړ: «د لومړۍ او دويمې درجې کډوال بايد موجود نه وي.»
پروازول او نورې ډېرې ټولنې لکه د «بې سرحده ځوانانو ټولنه» او د بايرن او ورڅبورګ د مهاجرو شوراګانې به د پنجشنبې په ورځ «د اوس یې ومنئ او د پاتېدو حق ورکړې!» تر شعار لاندې يو ستر لاريون وکړي.
دویچه ویله
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.