الوتونکې فابرېکه

هغه فابرېکه چې الوزي او تر ټولو خوندور خواړه او درمل توليدوي، د شهدو مچۍ ده چې شهد يې خوندور خواړه او درمل دي.
له رازونو څخه ډک ، په کايناتو کې يو عجيب او نا اشنا مخلوق د شهدو مچۍ چې جوړښت، ژوند، نظم او قانون يې بيخي له عجايبو ډک دی، دا حشره ډېر په زړه پورې شکل لري، ډېری يې ژيړ او تور رنګ څخه جوړ شوي دي.
دا حشرات خورا د قدر وړ او د خلکو لخوا د زياتې پاملرنې وړ دي ، ځينې يې په ځنګلونو، بيدياوو او يو شمير کليوالي ونو کې ځالې کوي، بچي کوي ، شهد توليدوي چې يواځې يې په خپل مصرف رسوي، او يو شمېر يې د خلکو لخوا ترې وړل کيږي.
همدا راز ځينې يې د خلکو لخوا په فارمونو کې ساتل کيږي، لرګين بکسونه ورته جوړوي، او ځانګړي کسان يې روزنه په غاړه اخلي، چې دغه شهد بيا د فارم د مسؤلينو لخوا راټوليږي او د خرڅ لپاره بازار ته وړاندې کيږي، چې د شهدو د بازار لوړه برخه توليدوي.
شهد هغه خواړه دي چې خوږه يې بيخي ډېره ده ، مګر له خوږوالي سره سره کومه ناروغي منځته نه راوړي، غاښونه نه خرابوي، د شکرې ناروغۍ ته تاوان نه کوي، بلکې د دغه ډول ناروغيو لپاره مفيد هم دي.
شهد له ډوډۍ سره خوړل کيږي، په شربتونو کې کارول کيږي، له لېمو سره يو ځای هم استعماليږي او په ګڼ شمېر درملو کې په کار وړل کيږي.