ارواپوهنه څه شی ده او زموږ لپاره څه کولی شي؟

ارواپوهنه لغوي لحاظ له دوو یو ناني کلمو څخه جوړه ده (روح او پوهې)
دغه علم ته زموږ په ژبو کې ( ارواپوهنه، روان پوهنه، سلوک پوهنه، روان پیژندنه، روان شناسي او علم النفس ) هم وایي.
دا چې (روح) په هکله بشپړه پوهه د انسان له توانه څخه لوړ کار دی، په دې سبب ارواپوهنه د (روح) ماهیت تر څېړنې لاندې نه نیسي او یا یې نه شي نیولی،
ارواپوهنه د ځان پېژندنې، بل پېژندنې او ټولنپوهنې یوه مهمه کیلي ده.
ارواپوهنه له موږ سره د یوه سالم او متوازن شخصیت په وده کې مرسته کوي. ارواپوهنه نه یوازې د انسان د رواني ستونزو لکه (وېره، غوسه، خپګان، کرکه، رواني فشار او نور…..
بلکې د یو شمېر هغو جسمي ناروغیو په درملنه کې هم ونډه لري.
ارواپوهنه په خپل څېړهنیز بهیر کې د بېلابېلو ازموینو او ټېسټونو له مخې د افرادو ذهني وړتیاوې استعدادونه معلوموي او له وګړو سره د مسلک په انتخاب او ټاکلو کې مرسته کوی.
ارواپوهنه د هغو کسانو په ذهني بدلون کې مرسته کوي چې پر ځان تر اندازې زیات بې باوره وي، خپله راتکونکې تیاره ویني او تل د تشویش، وېرې او مایوسۍ په حالت کې ژوند تېروي.
ارواپوهنه دغه ډول کسان د خپل ځان ژورو ته بیایي او ځان منلو، ځان خبرۍ او ځان جوړونې په ترڅ کې ورته ښیي.
اروپوهنه انسانان ژوند ته لېواله کوي،له مسایلو سره یې د چلند او مخامخ کېدنې رویه سالمې او مثبتې خوا ته را اړوي او په انسان کې د یوه داسې برداشت او اخیستنې په روزلو او جوړولو کې ونډه اخلي چې په ستونزمنو او کړکېچنو حالاتو کې هم ښه او رڼه اړخونه وپلټي، تر څو ځان پکې ونه بایلي او د ژوند لوریه ترې ورک نه شي.
ارواپوهنه هڅه کوي، د انسان په ژوند کې یوه (نه)په (هو) بدله کړي، یوه علاقه په اراده بدله کړي او یوه کرکه، عقیده او بدبیني په خوشبینۍ ، محبت او حوصله بدله کړي.