د بریالیتوب قیمت باید پرې کړو

که تاسو نه غواړي چې د یو بد او ناکام کس په څیر ولیدل شي، تاسو باید د ریښتینې اعتماد په نفس د ترلاسه کولو لپاره د یوې سختې دورې تیرولو ته ځان چمتو کړئ.
ځکه چې واقعي اعتماد په نفس ددې لپاره نه جوړیږي چې سړی به خامخا به بریالی کیږي. یو په ځان باوري سړی هیڅکله ډاډه نه دی چې هغه به غلطي نه کوي.

هغه د ناکامي او سپکاوي یا بد ښکاره کیدو څخه ویره نلري. هغه یوازې د مخ په وړاندې تګ په تمه دی.
ډیری خلک ددې منتظر دي چې ودریږه درس ووایم، زده کړې او تخصص وکړم، بیا به په ځان د بارو احساس ترلاسه کړم او عمل به وکړم.

هیله کوم تر دې ډیر مه په تمه کیږي! بې درنګه په عمل کولو پيل وکړئ، اشتباه وکړئ، خیر ده احمق شئ، ناکام شئ خو هیله کوم ګام پورته کړئ، عمل وکړئ او ځان مه تنبه کوئ. هر څوک چې فعالیت کوي هغه به حتمن خطا کوي، همدا خطا او ماتي به یې بریالیتوبونو ته رسوي.

مګر که یو څوک په مفته کې غواړي چې بریا ته ورسیږې هغه مغرور ده او غرور یې ددې خنډ ګرځي ترڅو هغه څه چې یې نه دې زده همداسې لټ پاته شي.

همیشه ګیلمن وي چې ولې کوم ځای ته نه رسیږم؟

که غواړي چې بریالي شي باید یو کار وکړئ او ډیری تیروتنې وکړئ، هغه څوک چې بریالي شوي او له خپل وضعیت څخه راضي دي، هغوي ډیر تاوانونه او ډیری تیروتنې کړې دي.