د ازموینو ملي ادارې د ازموینو سیستم، چې له تېرو څو کلونو راهیسې پرې پوهنتونونو ته د محصلانو جذب، اکاډمیکو بنسټونو ته د کادرونو پېژندنې او بېلابېلو دولتي ادارو پر خالي بستونو د مسلکي اشخاصو ګمارنې ازموینې اخیستل کېږي، په دغه سیستم کې ټولې ازموینې یوازې په څلور ځوابه پوښتنو سره تنظیمیږي.
موږ او تاسې هره ورځ وینو چې نړۍ د پرمختګ پر لوري چټګ ګامونه اخلي او هره ورځ د نویو پرمختګونو شاهدان یوو، د ازموینو دغه سیستم اوس مهال په نړۍ کې پخوانی شوی او اوسنیو ټولو ستونزو ته ځواب نشي ویلی؛ نو د ازموینو ملي ادارې مشرتابه هڅه پیل کړې، چې د ازموینو سیستم نوی کړي او د اوسنۍ نړۍ د نوې ټکنالوژۍ پر بنسټ داسې یو سیستم رامنځته کړي، چې د څو ډوله ازموینو اخیستلو امکانات ولري او همدارنګه د ازموینو امنیت په کې د پخوا څخه لا ډېر خوندي اوسی.
په همدې موخه یې د ترکیې هېواد د ازموینو ادارې (OSYM) له استازو سره لیدنې کتنې وکړې او له هغوی یې وغوښتل، چې د افغانستان د کانکور ازموینو سیستم په معیاري کولو کې ورسره همکاري وکړي.
له نېکه مرغه د یاد هېواد د مشرتابه په پاملرنې سره د نوموړې ادارې مسؤلینو د افغانستان د ازموینو ملي ادارې دغه غوښتنه ومنله او یو پلاوی یې افغانستان ته راغی، څو د افغانستان د کانکور ازموینو سیستمونو مشکلات ځانته معلوم کړي او د یادې ادارې غوښتنې له نېږدې واوري.
نوموړي پلاوي د ترکیې د ازموینو سیستمونو او (OSYM) ادارې د تګلارو په اړه ټول معلومات د ازموینو ملي ادارې د مشرتابه په ګډون له تخنیکي کارکوونکو سره د دوه ورځيني کنفرانس په ترڅ کې شریک کړل.
په کنفرانس کې د افغانستان او ترکیې هېواد د ازموینو سیستمونو د ورته والي، په ازموینو کې د رامنځته کېدونکو اسانتیاوو او تخنیکي پروسو په اړه نظرونه له یو بل سره شریک کړل.
د کنفرانس په پای کې د ترکیې هېواد څخه راغلي پلاوي د ازموینو ملي ادارې غوښتنې راټولې کړې او ژمنه یې وکړه، چې دغه غوښتنې به د خپل هېواد د رهبرۍ پلاوي سره شریکې کړي او افغانستان ته د ترکیې ازموینو سیستم د انتقال او تطبیق او همدارنګه د سیستم لپاره په افغانستان کې د تخنیکي ظرفیت لوړنې په تړاو به پر عملي همکاریو کار وکړي.
ترکیه په سیمه کې د نړۍ په کچه د ازموینو یوه قوي او په پرمختللې ټکنالوژۍ سمبال د اوسیم (OSYM) اداره لري، چې د هېواد په سطحه د کانکور په شمول ټولې لویې او وړې ازموینې د همدې ادارې له لورې اخیستل کېږي او د ترکیې وګړو په تړاو د معلوماتو یو ستر ډېټابیس له ځان سره لري.
مسؤلین دا چاره مهمه ګڼي او وايي، چې د دې په ترسراوي سره به د ازموینو ملي اداره د ازموینو په برخه کې د پرمختللي قوي سیستم درلودنکې شي، چې ورسره به په تخنیکي برخه کې اوسنۍ ټولې ستونزې حل شي.
د دعوت رسنیز مرکز ملاتړ وکړئ
له موږ سره د مرستې همدا وخت دی. هره مرسته، که لږه وي یا ډیره، زموږ رسنیز کارونه او هڅې پیاوړی کوي، زموږ راتلونکی ساتي او زموږ د لا ښه خدمت زمینه برابروي. د دعوت رسنیز مرکز سره د لږ تر لږه $/10 ډالر یا په ډیرې مرستې کولو ملاتړ وکړئ. دا ستاسو یوازې یوه دقیقه وخت نیسي. او هم کولی شئ هره میاشت له موږ سره منظمه مرسته وکړئ. مننه
د دعوت بانکي پتهDNB Bank AC # 0530 2294668 :
له ناروې بهر د نړیوالو تادیاتو حساب: NO15 0530 2294 668
د ویپس شمېره Vipps: #557320 :
Support Dawat Media Center
If there were ever a time to join us, it is now. Every contribution, however big or small, powers our journalism and sustains our future. Support the Dawat Media Center from as little as $/€10 – it only takes a minute. If you can, please consider supporting us with a regular amount each month. Thank you
DNB Bank AC # 0530 2294668
Account for international payments: NO15 0530 2294 668
Vipps: #557320
Comments are closed.